سەرلەبەیانیی ئەمڕۆ چوارشەممە ٢٤ی خاکەلێوە، کۆڵبەرێکی کورد بە ناوی "محەممەد مەولوودی" خەڵکی شاری بانە، بەهۆی تەقەی هێزە نیزامییەکانی حکوومەت لە سنووری "هەنگەژاڵـ"ـی ئەو شارە پێکرا.
هاووڵاتییەکی کورد بە ناوی "میلاد جەعفەری" تەمەن ٢٥ ساڵ و خەڵکی شاری کرماشان و دانیشتووی شاری تاران، بە شێوەی گوماناوی لە یەکێک لە گرتنگەکانی هێزە ئینتزامییەکان گیانی لەدەست دا.
ڕۆژی دووشەممە ٢٢ی خاکەلێوە، هاووڵاتییەکی کورد بە ناوی "سەیدعەزیز ئەحمەدی" کوڕی سەید ڕەحمان خەڵکی شاری پیرانشار، بانگهێشتی ئیدارەی ئیتلاعاتی ئەو شارە و لێپرسینەوەی لەگەڵ کرا.
لە ماوەی ڕۆژانی ڕابردوودا، سێ هاووڵاتی بە ناوەکانی "ئەحمەد پەیغامی"، "هادی حوسێنزادە" و "محەممە ئازەرەخش" خەڵکی شاری "نەڵوسـ"ـی شنۆ، بە دانانی بارمتە لە ئیدارەی ئیتلاعاتی ئەو شارە ئازاد کران.
لە ماوەی ڕۆژانی ڕابردوودا دوو هاووڵاتیی کورد بە ناوەکانی "ئیبراهیم حوسێنی" (باوک) و "سەلاحەدین حوسێنی" (کوڕ)، خەڵکی گوندی "ئاڵیاوێـ"ـی شاری شنۆ، بە پێبەندی ئەلێکترۆنیکی لە زیندانی ئەو شارە ئازاد کران.
ڕۆژی یەکشەممە ٢١ی خاکەلێوە، "کەیوومەرس لەتیفی" چالاکی مەدەنی و مامۆستای زمانی کوردی لە زیندانی سنە بۆ گرتنگەی ئیدارەی ئیتلاعاتی ئەو شارە ڕاگوێزرا.
ڕۆژی یەکشەممە ٢١ی خاکەلێوە، ٦ هاووڵاتیی کورد بە ناوەکانی "ڕەزا ئیسلامدوست"، "سامان ڕەسوڵزادە"، "سەنعان ڕەسوڵزادە"، "دیاکۆ خەلیلی"، "ئەشکان شکاک" و "سینا ئاقازادە" کوڕی سلێمان خەڵکی شاری "نەلۆس"ی شنۆ، لەلایەن هێزە ئەمنییەتییەکانەوە دەسبەسەر…
سەلاح ئازادی یەکێک لە چالاکانی سێنفیی مامۆستایانی شاری مەریوان بۆ دادسەرای گشتی و ئینقلابی ئەو شارە بانگهێشت کرا.
سێ هاووڵاتیی کورد بە ناوەکانی "محەممەد فەدەوی"، "محەممەد مەهجوور" و "ڕەحمەتوڵڵا ساڵحیان یازی بڵاغی" خەڵکی گوندی "مەڵقەرەنی" و "یازی بڵاغی" سەر بە سەقز، لە زیندانی سنە ڕاگیراون و چارەنووسیان ناڕوونە.
هاووڵاتییەکی کورد بە ناوی "عەبدولواحید عەباسیزادە" تەمەن ٣٥ ساڵ کوڕی عوسمان، لەلایەن دادگای ئینقلابی شاری سەقز، جێگیر لە شاری بانە بە سەرۆکایەتیی دادوەر "ئەکبەر میرزایی" بە سێ مانگ زیندانی تەعزیری مەحکووم کرا.
ئاژانسی هەواڵدەریی کوردپا
