ڕۆژی یەکشەممە ٢٢ی جۆزەردان، هاووڵاتییەکی کورد بە ناوی "خەلیل عەینی" خەڵکی گوندی "سینگان" سەر بە شاری شنۆ، بانگهێشتی ئیدارەی ئیتلاعاتی ئەو شارە کرا و لێپرسینەوەی لەگەڵ کرا.
لە چارەنووسی فاتێح مەجیدی، مامۆستای دەرکراو و چالاکی کرێکاریی خەڵکی شاری بانە، زانیارییەک لەبەر دەستدا نییە و ناڕوونیی چارەنووسی ناوبراو نیگەرانیی بنەماڵەکەی لێ کەوتووەتەوە.
ڕۆژی یەکشەممە ٢٢ی جۆزەردان، هاوولاتییەک بە ناوی "بەیان مورادی" خەڵکی گوندی "ماراو"ی شاری کامێران، کۆتایی بە ژیانی خۆی هێنا. ئەو ژنە بەهۆی کێشەی بنەماڵەییەوە خۆی کوشتووە.
ئەسکەندەر لوتفی، وتەبێژی شورای هاوئاهەنگیی ڕێکخراوی سێنفیی فەرهەنگییانی ئێران و ئەندامی هەیئەتی بەڕێوەبەریی سێنفیی مامۆستایانی کوردستان - مەریوان، بۆ بەندی ئەمنییەتیی زیندانی ئێڤین ڕاگوێزرا.
ئەمڕۆ یەکشەممە ٢٢ی جۆزەردان، کۆڵبەریکی کورد بە ناوی "ناسێح زارعی" خەڵکی گوندی "سالووکـ"ـی بانە، بەهۆی تەقەی هێزە نیزامییەکان لە سنووری "سەرتەزێنـ"ـی ئەو شارە پێکرا.
سەرلەبەیانیی ئەمڕۆ یەکشەممە ٢٢ی جۆزەردان، حوکمی لەسێدارەدانی زیندانییەک بە ناوی "مەهدی کیانی" خەڵکی لوڕستان لە زیندانی دیزڵاوای کرماشان، جێبەجێ کرا.
ڕۆژی شەممە ٢١ی جۆزەردان، هاووڵاتییەکی کورد بە ناوی "خالید محەممەد سووری" تەمەن ٣٣ ساڵ کوڕی مستەفا، پاش بانگهێشتکردنی بۆ ئیدارەی ئیتلاعاتی بۆکان دەسبەسەر کرا.
ڕۆژی سێشەممە ١٧ی جۆزەردان، هاووڵاتییەک بە ناوی "سەعدی مەحموودی" کوڕی عومەر خەڵکی شاری پیرانشار، بە دانانی بارمتە لە زیندانی نەغەدە ئازاد کرا.
ڕۆژی چوارشەممە ١٨ی جۆزەردان، هاووڵاتییەک بە ناوی "سەرگوڵ ئەکبەری" خەڵکی گوندی "هەشەمێز" و دانیشتووی شارەکی "حەسەنئاوا"ی سنە بەهۆی "کێشەی بنەماڵەییـ"ـیەوە لەلایەن مێردەکەیەوە کوژرا.
سەرلەبەیانیی ڕۆژی سێشەممە ١٠ی جۆزەردان، حوکمی لەسێدارەدانی زیندانییەک بە ناوی "ئەیووب لەتیفی" کە پێشتر بە تۆمەتی "کوشتنی بەئەنقەست" بە "قساس" مەحکووم کرابوو، لە زیندانی ناوەندیی کرماشان (دیزڵاوا) جێبەجێ کرا.
ئاژانسی هەواڵدەریی کوردپا
