ئاژانسی هەواڵدەریی کوردپا
کوردستان
حوکمی حوسێن ئەلوەندکووهی بۆ ٧ ساڵ و ڕۆژێک کەم کرایەوە
حوکمی ١٠ ساڵ و ڕۆژێک زیندانی تەعزیریی هاووڵاتییەکی کورد بە ناوی "حوسێن ئەلوەندکووهی" تەمەن ٢٩ ساڵ کوڕی عەزیز دانیشتووی شاری مەهاباد، بە پێی "تسلیم بە رای" بۆ ٧ ساڵ و ڕۆژێک کەم کرایەوە.
مافی مرۆڤ
کوردستان
شەعبان محەممەدی و مەسعوود نیکخا بە دانانی بارمتە لە زیندانی ئێڤین ئازاد کران
ڕۆژی شەممە ٢٩ی گەلاوێژ، شەعبان محەممەدی و مەسعوود نیکخا، لە ئەندامانی هەیئەتی بەڕێوەبەریی ئەنجومەنی سێنفیی مامۆستایانی کوردستان - مەریوان، پاش ١٠٠ ڕۆژ دەسبەسەری هەر کامیان بە دانانی بارمتەی ٢ میلیارد تمەنی لە زیندانی ئێڤین ئازاد کران.
کوردستان
سەرەڕای دابینکردنی بارمتە، بەرپرسی دادگوستەری مەهاباد لەگەڵ ئازادکردنی سوعدا خەدیرزادە دژایەتیی دەکات
جەواد بەنایی، بەرپرسی دادگوستەری شاری مەهاباد سەرەڕای دابینکردنی بارمتە بۆ ئازادی کاتیی سوعدا خەدیرزادە، زیندانیی سیاسیی کورد لە بەندی ژنانی زیندانی ورمێ، لەگەڵ ئازادی ئەو ژنە زیندانییە دژایەتیی دەکات.
کوردستان
بەردەوامیی دەسبەسەری و ناڕوونیی چارەنووسی سوبحان مەولوودی
سەرەڕای تێپەڕینی مانگێک بە سەر دەسبەسەرکرانی هاووڵاتییەکی کورد بە ناوی "سوبحان مەولوودی" تەمەن ٣٢ ساڵ کوڕی ئەحمەد خەڵکی گوندی "تەنگیسەر" سەر بە شاری سنە، لە چارەنووسی ناوبراو زانیارییەک لە بەر دەستدا، نییە.
کوردستان
ناڕوونیی چارەنووسی هاووڵاتییەکی کورد پاش ٥ مانگ
سەرەڕای تێپەڕبوونی ٥ مانگ و ٨ ڕۆژ بە سەر بێسەروشوێنبوونی هاووڵاتییەکی کورد بە ناوی "کەیوان ڕوستەمی" کوڕی عەلی ئەکبەر خەڵکی گوندی "مێراو"ی ناوچەی ژاوەرۆی سنە، هەتا ئێستا چارەنووسی ناڕوونە.
کوردستان
کۆڵبەرێک بە تەقەی هێزە نیزامییەکان لە سنووری بانە گیانی لەدەست دا
ئێوارەی ڕۆژی هەینی ٢٨ی گەلاوێژ، کۆڵبەرێک بە ناوی "ڕەحیم محەممەدی" تەمەن ٣٧ ساڵ کوڕی سەعید، بەهۆی تەقەی هێزە نیزامییەکانی حکوومەتی لە سنووری "هەنگەژاڵ"ی بانە، گیانی لەدەست دا.
کوردستان
کۆڵبەرێکی سەڵماسی بە تەقینەوەی مین لە بانە بە سەختی بریندار و کەمئەندام بوو
ڕۆژی پێنجشەممە ٢٧ی گەلاوێژ، کۆڵبەرێک بە ناوی "مەحموود عوسمانی جەنگەسەر" خەڵکی شاری سەڵماس، لە ئەنجامی تەقینەوەی مینێک لە سنووری "هەنگەژاڵ"ی بانە بە سەختی بریندار و کەمئەندام بوو.
کوردستان
سلێمان سالک خەڵکی مەهاباد دووبارە دەسبەسەر کرایەوە
ڕۆژی پێنجشەممە ٢٧ی گەلاوێژ، هاووڵاتییەکی کورد بە ناوی "سلێمان سالک" تەمەن ٦٩ ساڵ خەڵکی شاری مەهاباد، پاش بانگهێشتکردنی بۆ دادگای ئینقلابی پیرانشار، دووبارە دەسبەسەر کرایەوە.
کوردستان
سێ هاووڵاتیی کورد بە دانانی بارمتە لە زیندانی شنۆ ئازاد کران
ڕۆژی پێنجشەممە ٢٧ی گەلاوێژی ١٤٠١ی هەتاوی، سێ هاووڵاتیی کورد بە ناوەکانی "پیرۆت تابناک"، فەرهەنگ کەرامت (ئالانی)" و "یەعقووب مەحموودی ئازەر" خەڵکی گوندی "سینگانـ"ـی سەر بە شنۆ بە دانانی بارمتە لە زیندانی ئەو شارە ئازاد کران.
کوردستان
کۆڵبەرێک بەهۆی تەقینەوەی مین لە سنووری بانە بریندار بوو
ئێوارەی ڕۆژی چوارشەممە ڕێکەوتی ٢٦ی گەلاوێژی ١٤٠١ی هەتاوی، کۆڵبەرێکی کورد بە ناوی "ئامانج ئازەرپوور" تەمەن ١٧ ساڵ خەڵکی شاری "سەقز" بەهۆی تەقینەوەی مین لە سنووری "هەنگەژاڵـ"ـی بانە بریندار بوو.