ڕۆژی یەکشەممە، ٢٨ی جۆزەردان، هاجەر سەعیدی، چالاکی کرێکاریی خەڵکی سنە، بە دانانی بارمتەی ٥٠٠ میلیۆن تمەنی بە شێوەی کاتی لە کانوونی ئێسڵاح و تەربییەتی ئەم شارە ئازاد کرا.
ڕۆژی یەکشەممە، ٢٨ی جۆزەردان، هاووڵاتییەکی کورد بە ناوی "سەید عەبدوڵڵا ئەحمەدپوور"، تەمەن ٤٥ ساڵ و کوڕی سەید تاهیر، خەڵکی مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی یەکشەممە، ٢٨ی جۆزەردان، هاووڵاتییەکی کورد بە ناوی "شۆڕش محەممەدپوور"، تەمەن ٣٦ ساڵ و کوڕی هاشم، خەڵکی گوندی تەنگیسەر، سەر بە شاری سنە، بە دانانی بارمتە لە زیندانی ئەم شارە ئازاد کرا.
مامۆستایەکی ئایینیی کورد بە ناوی "مامۆستا سەید محەممەد ئەمین پارسا"، پێشنوێژی مزگەوتی شارەکی پیرانشار بە بڕیاری سپای پاسداران، لەم مزگەوتە دەر کرا.
ڕۆژی یەکشەممە، ٢١ی جۆزەردان، کۆڵبەرێک بە ناوی "موختار کویک"، خەڵکی مەریوان، بەهۆی بەربوونەوە لە بەرزایی دوابەدوای ڕاوەدوونانی لەلایەن هێزی ئینتیزامییەوە لە سنووری نەوسوود، بریندار بوو.
ڕۆژی شەممە، ٢٧ی جۆزەردان، بورهان سەعیدی، چالاکی کرێکاریی خەڵکی سنە، بە دانانی بارمتەی ٥٠٠ میلیۆن تمەنی و بە شێوەی کاتی لە زیندانی ئەم شارە ئازاد کرا.
مامۆستا زانا خۆشامەن، خەڵکی پەسوێی پیرانشار، لەلایەن لقی یەکی دادگای ئینقلابی مەهاباد بە سەرۆکایەتیی دادوەر "ئەمیر ئوجاقلوو"، بە دوو ساڵ و یەک مانگ زیندانی تەعزیری مەحکووم کرا.
دوو هاووڵاتیی کورد بە ناوەکانی "محەممەد ئیسماعیلی" و "ئیسماعیل مەحموودپوور"، خەڵکی پیرانشار، لەلایەن لقی یەکی دادگای ئینقلابی مەهابادەوە بە سەرۆکایەتیی دادوەر "ئەمیر ئوجاقلوو"، سەرجەم بە ٧ ساڵ و ٢ مانگ زیندانی تەعزیری مەحکووم کران.
باپیر بەرزە، زیندانیی سیاسیی پێشوو و خەڵکی گوندی "چیانە"ی پیرانشار، لەلایەن لقی یەکی دادگای ئینقلابی مەهابادەوە بە سەرۆکایەتیی دادوەر "ئومید ئوجاقلوو"، بە سێ ساڵ زیندانی تەعزیری مەحکووم کراوە.
نازیلا مەعرووفیان، ڕۆژنامەوانی خەڵکی سەقز و دانیشتووی تاران، باسی لە دەرکرانی خۆی لە شوێنی کارە نوێیەکەی بە هۆی "گێڕانەوەی شێوازی هەڵسوکەوتی هێزەکانی گاردی تایبەت" کرد.
ئاژانسی هەواڵدەریی کوردپا
