لوقمان قادری، زیندانیی سیاسیی بەندکراو لە زیندانی نەغەدە، لە ماوەی ڕۆژانی ڕابردوودا، چەندین جار لەلایەن هێزەکانی ئیدارەی ئیتلاعاتی ورمێوە، هەڕەشەی کوژران و بێسەروشوێنکرانی لێ کراوە و چەندین جاریش بەرەوڕووی بەڕێوەبردنی تیربارانی ساختە…
شەوی چوارشەممە، ٤ی گەلاوێژ، حەیدەر موحسنی، لە کرێکارانی پێترۆشیمی چواری ئیلامی، بە هۆی دەرکران لە کارەکەی، کۆتایی بە ژیانی خۆی هێنا.
سیاوەش حەیاتی، وتەبێژی کۆڕی ڕاوێژی چالاکانی مەدەنیی یارسان و دەبیری بەرەی یەکگرتووی کورد، لەحاڵێکدا کە کێشەی هەناسەدانی هەیە، لە وەرگرتنی مورەخەسیی دەرمانی بێبەری کراوە.
سەرلەبەیانیی ڕۆژی چوارشەممە، ٤ی گەلاوێژ، کۆڵبەرێک بە ناوی "حەسەن تۆفیقزادە (حەسەن عێراقی)"، خەڵکی سەرشیوی سەقز، بە تەقەی هێزە نیزامییەکانی حکوومەت لە سنووری "بەستام"ی ئەم شارە گیانی لەدەست دا.
ڕۆژی چوارشەممە، ٤ی گەلاوێژ، هاووڵاتییەکی تەمەن ٤٠ ساڵ، بە ناوی "عەلی نەزەری"، بە تەقەی هێزەکانی کەڵانتەریی گەڕەکی "جەعفەرئاباد"ی کرماشان، گیانی لەدەست دا.
شەوی دووشەممە، ٢ی گەلاوێژ، ئەسعەد (مەسعوود) ئەسعەد محەممەدی، چالاکی مەدەنیی خەڵکی سنە لەلایەن هیزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی چوارشەممە، ٤ی گەلاوێژ، هاووڵاتییەک بە ناوی "محەممەدحوسێن حاسڵی"، خەڵکی شاری سەراوباخ، سەر بە شاری ئاودانان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی سێشەممە، ٣ی گەلاوێژ، ئەرەشک قەیسەربەیگی، قوتابیی تەمەن ١٥ ساڵی خەڵکی شاری سەراوڵەی پارێزگای ئیلام، بە دانانی بارمتەی یەک میلیارد تمەنی و بە شێوەی کاتی لە گرتنگەی ناوەندیی ئیلام، ئازاد کرا.
بورهان سەعیدی، چالاکی کرێکاریی خەڵکی سنە، لەلایەن لقی یەکی دادگای ئینقلابی ئەم شارە، بە سەرۆکایەتیی دادوەر "سەعیدی"، بە دوو ساڵ زیندانی تەعزیری مەحکووم کراوە کە ئەم حوکمە بۆ ماوەی ٤ ساڵ هەڵپەسێردراوە.
سەرلەبەیانیی ڕۆژی سێشەممە، ٣ی گەڵاوێژ، ئومید مەزڵووم، برای موحسن مەزڵووم، زیندانیی سیاسیی کوردی خەڵکی مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
