ڕۆژی سێشەممە، ٤ی ڕەزبەر، ئومید قەدیمی، برای فواد قەدیمی لە گیانلەدەستداوانی بزووتنەوەی ژن، ژیان، ئازادی، بە دانانی بارمتەی ٢ میلیارد و ٣٠٠ میلیۆن تمەنی، بە شێوەی کاتی لە گرتنگەی ئەمنییەتیی شارامفەری سنە ئازاد کرا.
تەیفوور سەلیمی بابامیری، تەمەن ٤٧ ساڵ و دانیشتووی بۆکان، پاش تێپەڕبوونی ٧ مانگ، هێشتا لە دەسبەسەریدایە و لە زیندانی ناوەندیی ورمێدا چارەنووسی ناڕوونە.
ڕۆژی یەکشەممە، ٢ی ڕەزبەری ١٤٠٢، کچێکی تەمەن ٢٣ ساڵ بە ناوی "مەهسا ڕۆخزادییان"، کچی محەممەدساڵح و خەڵکی مەهاباد بە "خۆ فڕێدان" لە نهۆمی نۆیەمی باڵەخانەیەکی مەسکەن مێهرەوە کۆتایی بە ژیانی خۆی هێنا.
لە ماوەی ڕۆژانی ڕابردوودا، لاوێکی تەمەن ١٨ ساڵ، بە ناوی "محەممەد زەندکەریمی"، خەڵکی گوندی "بڵوان ئاوا"، سەر بە شاری دێولان، لەلایەن ناوەندە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی دووشەممە، ٣ی ڕەزبەر، کەیوان کەمانگەرنەسەب، چالاکی مەدەنیی خەڵکی سنە، لەلایەن هیزە ئەمنییەتییەکانەوە دەسبەسەر کرا.
وریشە مورادی (جوانا سنە)، چالاکی کورد، ڕۆژی سێشەممە، ١٠ی گەلاوێژی ئەمساڵ، لە دەوروبەری شاری سنەدا، لەلایەن هێزە ئەمنییەتییەکانەوە دەسبەسەر کراوە و هیچ زانیارییەک لەمەڕ چارەنووسی، لەبەر دەستدا نییە.
ڕۆژی شەممە، یەکی ڕەزبەر، کۆڵبەرێک بە ناوی "جەوهەر فیکری"، تەمەن ٣٠ ساڵ و خەڵکی سەقز، بە تەقەی هێزە نیزامییەکانی حکوومەت لە سنووری بانە بریندار بوو.
ئازاد ئەمینی، چالاکی ژینگەپارێزیی خەڵکی سەقز، ٩ ڕۆژە لەلایەن هێزە ئەمنییەتییەکانەوە دەسبەسەر کراوە و هیچ زانیارییەک لەمەڕ چارەنووسی لەبەر دەستدا نییە.
ڕۆژی هەینی، ٣١ی خەرمانان، کامران دەستباز، تەمەن ٢١ ساڵ و کوڕی محەممەد، خەڵکی دیواندەرە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
لە ماوەی ڕۆژانی ڕابردوودا، سێ هاووڵاتیی کوردی خەڵکی ئیلام، لەلایەن هێزە ئەمنییەتییەکانەوە دەسبەسەر کران و بۆ گرتنگەی ئیدارەی ئیتلاعاتی ئەم شارە ڕاگوێزران.
ئاژانسی هەواڵدەریی کوردپا
