ئاژانسی هەواڵدەریی کوردپا
کوردستان
جێبەجێکرانی حوکمی لەسێدارەدرانی زیندانییەک لە زیندانی ناوەندیی سنە
سەرلەبەیانیی ڕۆژی چوارشەممە، ٢٢ی سەرماوەز، حوکمی لەسێدارەدرانی زیندانییەک بە ناوی "داوود خادمی"، خەڵکی مەریوان، لە زیندانی ناوەندیی سنە جێبەجێ کرا.
مافی مرۆڤ
کوردستان
حەبیب ڕەزایی، کۆڵبەری خەڵکی جوانڕۆ بە هۆی توندی برینەکانییەوە گیانی لەدەست دا
سەرلەبەیانیی ڕۆژی چوارشەممە، ٢٢ی سەرماوەز، حەبیب ڕەزایی، کۆڵبەری تەمەن ٥٢ ساڵی خەڵکی گوندی "عەلی یەعقووب" و دانیشتووی جوانڕۆ، کە بە تەقەی هێزە نیزامییەکانی حکوومەت بریندار ببوو، بە هۆی توندیی برینەکانییەوە، گیانی لەدەست دا.
کوردستان
سێ هاووڵاتیی کورد بە مەبەستی جێبەجێکرانی حوکمی زیندانەکەیان، ڕەوانەی زیندانی بۆکان کران
ڕۆژی سێشەممە، ٢١ی سەرماوەز، سێ هاووڵاتیی کورد بە ناوەکانی "کازم مام ئیسماعیل"، "حوسێن ئەحمەدی" و "یوونس مەحموودزادە"، خەڵکی بۆکان، بە مەبەستی جێبەجێکرانی حوکمی زیندانەکەیان، ڕەوانەی زیندانی ئەم شارە کران.
کوردستان
بۆکان؛ سەعدوڵڵا ڕەسوڵپوور بە مەبەستی جێبەجێکرانی حوکمی زیندانەکەی ڕەوانەی زیندان کرا
ڕۆژی دووشەممە، ٢٠ی سەرماوەز، سەعدوڵڵا ڕەسووڵپوور، هاووڵاتیی خەڵکی بۆکان، پاش بانگهێشتکران بۆ لقی جێبەجێکاری حوکمە کەیفەرییەکانی دادسەرای گشتی و ئینقلابی ئەم شارە، دەسبەسەر و بە مەبەستی جێبەجێکرانی حوکمەکەی ڕەوانەی زیندانی بۆکان کرا.
کوردستان
برینداربوونی کۆڵبەرێک بە هۆی تەقینەوەی مین لە سنووری نەوسوود
ڕۆژی سێشەممە، ٢١ی سەرماوەز، کۆڵبەرێک بە ناوی "مەنسور سلێمانی"، خەڵکی سەلاسی باوەجانی، بە هۆی تەقینەوەی مین لە سنووری نەوسوود بریندار بوو.
کوردستان
جەلال ئەمینی بە مەبەستی جێبەجێکرانی حوکمی زیندانەکەی، ڕەوانەی زیندانی بۆکان کرا
ڕۆژی سێشەممە ٢١ی سەرماوەز، جەلال ئەمینی، هاووڵاتیی خەڵکی بۆکان، پاش بانگهێشتکران بۆ لقی جێبەجێکاری حوکمە کەیفەرییەکانی دادسەرای گشتی و ئینقلابی ئەم شارە دەسبەسەر و بە مەبەستی جێبەجێکرانی حوکمی زیندانەکەی ڕەوانەی زیندانی بۆکان کرا.
کوردستان
ڕاگواستنی پەخشان عەزیزی بۆ بەندی ژنانی زیندانی ئێڤین
لە ماوەی ڕۆژانی ڕابردوودا، پەخشان عەزیزی، ژنە چالاکی کورد و زیندانیی پێشووی خەڵکی مەهاباد، پاش چوار مانگ لێپرسینەوە، لە بەندی ٢٠٩ی زیندانی ئێڤینەوە ڕەوانەی بەندی ژنانی ئەم زیندانە کرا.
کوردستان
مەهاباد؛ دیاکۆ ئاکوش ئاڵبڵاغی، خۆپیشاندەرێک کە چاوی چەپی لەدەست داوە و ٢٠ خۆپیشاندەری لە ژوورێکی نەخۆشخانەدا بینیوە کە هەموویان چاویان بریندار بووە
ئەو کەسانەی کە لە ڕەوتی بزووتنەوەی ژن، ژیان، ئازادیدا چاویان بریندار بووە، گرووپێکی گەورە لە بریندارانی ئەم بزووتنەوەیەن کە زۆربوونی ڕێژەکەیان نیشان دەدات کە هێزە سەرکوتکەرەکانی کۆماری ئیسلامی بەئەنقەست تەقەیان لە سەر و دەموچاویان کردووە.
کوردستان
زیندانی نەغەدە؛ جەماڵ عەلیزادە نێردرایە مورەخەسی
ڕۆژی دووشەممە، ٢٠ی سەرماوەز، جەماڵ عەلیزادە، چالاکی مەدەنیی خەڵکی پیرانشار، لە زیندانی نەغەدەوە نێردرایە مورەخەسی.
کوردستان
زیندانی نەغەدە؛ حوسێن مەحموودپوور بە دانانی بارمتە ئازاد کرا
ڕۆژی دووشەممە، ٢٠ی سەرماوەز، هاووڵاتییەکی کورد بە ناوی "حوسێن مەحموودپوور"، کوڕی عەزیز، خەڵکی گوندی "گەرگوڵی خوارێ"، سەر بە شاری پیرانشار بە دانانی بارمتەی دوو میلیارد تمەنی و بە شێوەی کاتی لە زیندانی نەغەدە ئازاد کرا.