هاووڵاتییەكی كوردی خەڵكی گەڕەکی"سەیداوێ"ی شاری شنۆ كە لەگەڵ كۆمەڵێك خەڵكی دیكە كە سەرقاڵی كۆ كردنەوەی گیای خواردن بوون، بە تەقەی هێزە نیزامییەكانی حكوومەتی ئیسلامیی ئێران كوژرا.
چالاكێكی کرێکاری لە كرماشان رایگەیاند، بەهۆی تازە نەكردنەوەی گرێبەستی كرێكارانی كارگەی نازگوڵی كرماشان، 200 كرێكاری ئەو كارگەیە بێكار كراون.
هێزە نیزامییەكانی جێگیر لە ناوچەی پیرانشار پێشیان بە كۆمەڵێك كۆڵبەری كورد گرتووە و لە ئەنجامی دەستڕێژی راستەوخۆ 50 سەر ئەسپی بار هەڵگری كۆڵبەران بەكوشت چوون.
هاووڵاتییەكی خەڵكی بۆكان لە یەك مانگ لەمەوبەرە بێسەر و وشوێنە و هیچ زانیارییەك لەبارەی چارەنووسی لەبەر دەستدا نیە.
سێ زیندانیی سیاسیی كورد دوای تێپەڕینی نزیك بە 4 ساڵ لە دەستبەسەر كرانیان، هەتا ئێستا چارەنووسیان نادیارە.
بەپێی راپۆرتی تەلەفیزیۆنی دەوڵەتیی سووریە، لە ئەنجامی دوو تەقینەوەی بەهێز لە پایتەختی سووریە، زیاتر لە 40 كەس كوژراون و هەروەها زیاتر لە 170 كەسی دیكەش بریندار بوون.
شیركەتی بەڵێندەریی "معتبر" كە یەك لە شیركەتەكانی بەنداوی ژاوەی ناوچەی ژاوەرۆی سنەیە، سەرەڕای ئەوەی كە مووچە و مەزایای چوار مانگ كرێكارانی نەداوە، 190 كرێكاریشی لەسەر كار دەركردووە.
بەپێی راپۆرت و زانیارییەكان، تۆپ و خومپارە بارانی قورسی ئەرتشی سووریە بەدژی دژبەران لە شاری حومسی سووریە بە شێوەیەكی بەربڵاو بەردەوامە.
بە بۆنەی دووەمین ساڵیادی ئیعدام كردنی فەرزاد كەمانگەر و چوار هاوڕێی دیكەی لەلایەن حكوومەتی ئیسلامیی ئێرانەوە، "رێكخراوی ژنان ئازادیخوازی كوردستان و ناوەندی چاك" رێوڕەسمێك لە شاری هەولێر بەڕێوە دەبەن.
بەپێی راپۆرتی چالاكانی مافی مرۆڤ لە ئەهواز، بەندكراوانی زیندانی كاروونی ئەهواز، لەژێر زەخت و گوشاری توندی ئیدارەی ئیتلاعاتی ئەهواز و لێپرسراوانی زیندان دان و بارودۆخییان نالەبارە.
ئاژانسی هەواڵدەریی کوردپا
