دوای خۆكوژیی سەربازێكی كورد لە پادگانی نیزامیی شارۆچكەی ساحیب لە سەقز، پاش چەند رۆژ كێشمەكێش لە نێوان سپا و بنەماڵەكەی، بە دانی 3 میلیۆن تمەن ئەوكات تەرمەكەیان رادەستی بنەماڵەكەی كردەوە.
جەلال مەلەكشا، شاعێر و نووسەری كورد كە كۆمەڵێك بەرهەمی فارسی و كوردیی ئامادەی چاپن، لەلایەن ئیدارەی فەرهەنگ و ئیرشادی ئیسلامیی پارێزگای كوردستانەوە مۆڵەتی چاپی بەرهەمەكانی نادرێت.
رێكخراوی مافی مرۆڤی كوردستان، لە بەیاننامەیەكدا داوای لە هەموو چالاكان و رێكخراوەكانی مافی مرۆڤ كردووە بۆ پشتیوانی لە سێ زیندانی سیاسی ـ عەقیدەتی بە بانگەوازی شیرین عیبادی پەیوەست بن.
حەسەن ئەمینی، مامۆستای ئایینی و لێپرسراوی شۆرای بەڕێوەبەریی مەكتەب قورئانی كوردستان، بەهۆی رەخنەگرتن لە كاروباری بەڕێوەبەری و رادەربڕین، بانگهێشتی ئیدارەی ئیتلاعاتی پارێزگای كوردستان و دادگای رۆحانییەت لە هەمەدان كرا.
چالاكانی مافی مرۆڤ و دێمۆكراسی لە ئێران بڵاویان كردەوە، محەممەد مەهدی زالیە زیندانیی سیاسیی كورد كودر پاش 21 ساڵ زیندانی و ئەشكەنجە و ئازار لە زیندانی "گەوهەردەشت"ی كەرەج گیانی لەدەست داوە.
پاش پووچەڵ كردنەوەی ئەنجامی خولی دووەیەمی هەڵبژاردنی مەجلیسی ئێران لە چەند شاری پارێزگای ئیلام، خەڵكی ناڕازی لە شاری "مەلەكشایی" دەستیان دایە ناڕەزایەتی و لە ئەنجامی ئەو خۆپیشاندانانە هەتا ئێستا چەند كەس كوژراو بریندار بوون و دەیان كەسی…
محەممەد سدیق كەبوودوەند، رۆژنامەنووس و چالاكی مافی مرۆڤی كوردی زیندانی بەهۆی خراپی باری تەندرووستیی، رەوانەی بێهداریی نێو زیندانی ئێوین كراوە.
نزیك بە 300 كرێكاری كوورەخانەكانی "ساروقامیش"ی سەر بە شاری بۆكان بەهۆی كەمیی مووچە و كێشە لەگەڵ خاوەنكاران دەستیان داوەتە ناڕەزایەتی.
پۆلێك لە كۆڵبەران و كاسبكارانی كورد لە ناوچەی تەرگەوەڕ كەوتنە بەر تۆپبارانی ناوەندە نیزامییەكانی حكوومەتی ئیسلامیی ئێران و لە ئەنجامدا كوڵبەرێك گیانی لێ ئەستێنرا و دووی دیكەش بە توندی بریندار بوون.
زانیار و لوقمان مورادی دوو زیندانیی سیاسیی كوردی مەحكووم بە ئیعدام بە مەبەستی روون كردنەوە بۆ بیروڕای گشتی لەمەڕ بڵاوبوونەوەی هێندێ هەواڵی پێوەندیدار بە خۆیان، پەیامێكی رۆشنگەرییان بڵاو كردەوە.
ئاژانسی هەواڵدەریی کوردپا
