كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
سەرەڕای تێپەڕبوونی زیاتر لە دوو حەفتە لە دەسبەسەرکرانی سیروان خوداکەرەمی و محەممەدعەلی وەیسی، لە چالاکانی مەدەنی و ژینگەپاریزی خەڵکی سەقز، سەبارەت بە چارەنووسیان زانیارییەک لەبەر دەستدا نییە.
سەرلەبەیانیی ڕۆژی چوارشەممە ٥ی سەرماوەزی ١٤٠٤، هاووڵاتییەکی خەڵكی شاری "نەڵۆس" سەر بە شاری شنۆ، بە ناوی "بیلال ئەحمەدیئازەر" بە هێرشی هێزە ئەمنییەتییەکان بۆ سەر ماڵەکەی دەسبەسەر کرا و بۆ شوێنێکی نادیار ڕاگوێزرا.
٣ی سەرماوەزی ١٤٠٤؛ دوو هاووڵاتی بە ناوەکانی "رامین محەممەدی" و"محەممەد دەشتی" خەڵکی گوندی "ئەڵک" سەر بە شاری کامێران، هێشتا دەسبەسەرن و تاکوو ئێستا سەبارەت بە چارەنووس و شوێنی ڕاگیرانیان زانیارییەک لەبەر دەستدا نییە.
٢ی سەرماوەزی ١٤٠٤؛ سەرەڕای تێپەڕبوونی نزیک بە دوو حەفتە لە کاتی دەسبەسەرکرانی مستەفا قەوسی و محەممەد ڕەشیدزادە، دوو هاووڵاتیی خەڵکی بانە سەبارەت بە چارەنووسیان زانیارییەک لەبەر دەستدا نییە.
سەرەڕای تێپەڕبوونی ٢٠ ڕۆژ لە کاتی دەسبەسەرکرانی پوویا حەبیبی، چالاکی ژینگەپارێز و ئەندامی ئەنجومەنی "جەمعیەت سەوزی کوردستان" سەبارەت بە چارەنووس و شوێنی ڕاگیرانی زانیارییەک لەبەر دەستدا نییە.
یەکی سەرماوەزی ١٤٠٤؛ لە ماوەی ڕۆژانی ڕابردوودا، سەیدحوسێن (زانکۆ) محەممەدی دەسبەسەرکراوی سیاسیی خەڵكی گوندی "ئاڵیکەند"ی بۆکان، بە تۆمەتی "هاوکاری لەگەڵ یەکێک لە حیزبە کوردستانییەکان" لەلایەن دادگای پێداچوونەوەی پارێزگای ورمێوە بە ساڵێک…
٢٩ی خەزەڵوەری ١٤٠٤؛ سەرەڕای تێپەڕبوونی چوار ڕۆژ لە دەسبەسەرکرانی سەرەڕۆیانەی هێمن خورشیدی، هاووڵاتیی خەڵکی بانە، سەبارەت بە شوێنی ڕاگیران و چارەنووسی زانیارییەک لەبەر دەستدا نییە.
سەرلەبەیانیی ڕۆژی چوارشەممە ٢٨ی خەزەڵوەری ١٤٠٤، سزای سێدارەی بەندکراوێک بە ناوی "پەیمان عەزیزی" کوڕی داوود و خەڵکی گوندی "نگرە" سەر بە شاری سەلاسی باوەجانی لە بەندیخانەی ناوەندیی کرماشان جێبەجێ کرا.
ڕۆژی یەکشەممە ٢٥ی خەزەڵوەری ١٤٠٤، هاووڵاتییەکی خەڵکی کامێران و دانیشتووی سنە بە ناوی "میلاد کەرەمی" لەلایەن هێزە نیزامییەکانی کۆماری ئیسلامییەوە لە خاڵی پشکنینی چوونەژوورەوەی تیکاب بە تەقەی ڕاستەوخۆ و بە فیشەکی شەڕکەر کوژرا.
ڕۆژی شەممە ٢٤ی خەزەڵوەری ١٤٠٤، هێرش ناوگرانزادە، چالاکی مەدەنی و بەندکراوی سیاسیی پێشووی خەڵکی سنە، بە مەبەستی جێبەجێکرانی سزای ٦ مانگ بەندکرانی داسەپاو بە تۆمەتی "پڕوپاگەندە دژی نیزام" بۆ بەندیخانەی ناوەندیی سنە ڕاگوێزرا.
ئاژانسی هەواڵدەریی کوردپا
