كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی یەکشەممە ٢٧ی ڕەزبەر، "عادڵ موکەڕەم" زیندانیی سیاسیی کورد لە گرتووخانەی ورمێ بە نیشانەی ناڕەزایەتی دەربڕین لەمەڕ جێبەجێنەکردنی داواکارییەکەی، ئاگری لە جەستەی خۆی بەردا.
ڕۆژی پێنجشەممە ٢٤ی ڕەزبەر، هاووڵاتییەکی کورد بە ناوی "مەلا جەمشید حەمیدی" کوڕی "مەحموود" خەڵکی گوندی "شاوانە"ی شنۆ، لەلایەن هێزە ئەمنییەتییەکانەوە دەسبەسەر کرا.
چارەنووسی مامۆستایەکی ئایینیی کورد بە ناوی "مامۆستا ڕەسووڵ حەمزەپوور" خەڵکی گوندی "خراپە"ی پیرانشار و پێشنوێژی گوندی "ئەندێزێـ"ـی بەشی لاجانی پیرانشار، پاش دوو حەوتوو لە دەسبەسەرکرانی هێشتا ناڕوونە.
"ئانتونیو گوترێش" سکرتێری ڕێکخراوی نەتەوەیەکگرتووەکان لە ٧٥ـەمین دانیشتنی کۆڕی گشتیی ئەو ڕێکخراوەیە، ڕاپۆرتێکی لە پەیوەندی لەگەڵ بارودۆخی مافی مرۆڤ لە ئێران پێشکەش کرد.
حوکمی ساڵێک زیندانی تەعزیریی چالاکێکی مەزهەبی بە ناوی "سلێمان خێرەدەست" تەمەن ٤٣ ساڵ خەڵکی گوندی "داشبەند"ی شاری بۆکان، بۆ ٩ مانگ کەم کرایەوە.
ڕێکخراوی لێبوردنی نێونەتەوەیی خوازیاری ئازادکردنی بێمەرجی سوهەیل عەرەبی، زیندانیی سیاسیی_عەقیدەتی کردووە و ڕایگەیاندووە هەتا کاتی ئازادیی، ناوبراو دەبێت لە بەرانبەر ئەشکەنجە و بەکاربردنی هەر جۆرە هەڵسووکەوتی نەشیاو پارێزاو بێت.
ڕۆژی هەینی ٢٥ی ڕەزبەر، دارستانەکانی شاخی "دەڕنە و دۆڵیـ"ـی شاری سەلاسی باوەجانی ئاگریان تێبەردرا و خەسارێکی بەرچاو بە ژینگەی ئەو ناوچەیە گەیشتووە.
ئەمڕۆ شەممە ٢٦ی ڕەزبەر، ٣ کەس لە مامۆستایانی پارێزگای ئیلام بە ناوەکانی "عەبدی"، "سالحی پوور" و "ئەحمەدی" بەهۆی تووشبوون بە نەخۆشیی کۆرۆنا، گیانیان لەدەست دا.
ڕۆژی هەینی ٢٥ی ڕەزبەر، کرێکارێکی کورد بە ناوی "عوسمان عەبدوڵڵازادە" خەڵکی سەقز، لە کاتی کارکردندا تووشی ڕووداوی کار بوو.
ڕۆژی پێنجشەممە ٢٤ی ڕەزبەر، چالاکێکی سوننی مەزهەب بە ناوی "عەزیز حەیدەرپوور" تەمەن ٣٧ ساڵ و خەڵکی گوندی "کەڕێز" سەر بە بەشی ئەنزەل و دانیشتووی ورمێ، پاش تەواوبوونی ماوەی لێپرسینەوەکەی بۆ زیندانی ناوەندیی ئەو شارە ڕاگوێزرا.
ئاژانسی هەواڵدەریی کوردپا
