كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی سێشەممە ٢٦ی ڕەشەمە، هاووڵاتییەکی کورد بە ناوی "ئولفەت بەهرامی"، تەمەن ٣٤ ساڵ، کوڕی ئەحمەد و خەڵکی گوندی "کەڵاش" سەر بە جوانڕۆ، بە دانانی بارمتە لە یەکێک لە گرتنگە ئەمنییەتییەکانی ئەو شارە ئازاد کرا.
ئەمڕۆ چوارشەممە ٢٧ی ڕەشەمە، چالاکێکی مەزهەبی بە ناوی "عەبدولـلەتیف مەحموودیدەلی"، کوڕی عەبدوڵڵا و خەڵکی شاری شنۆ، بە دانانی بارمتە لە زیندانی ورمێ ئازاد کرا.
ڕۆژی سێشەممە ٢٦ی ڕەشەمە، هاووڵاتییەکی کورد بە ناوی "ئەردەشیر مووسەوی"، بە کۆتایی ماوەی زیندانیبوونەکەی لە زیندانی دێزڵاوای کرماشان ئازاد کرا.
ئێوارەی ڕۆژی سێشەممە ٢٦ی ڕەشەمە، هێزەکانی سپای پاسداران هێرشیان کردە سەر گوندی "حەسەن نووران" سەر بە شاری شنۆ و هەڕەشەیان لە خەڵکی ئەو گوندە کردووە کە مافیان نییە ڕێوڕەسمی چوارشەممەسووری بەڕێوە ببەن.
ڕۆژی یەکشەممە ٢٤ی ڕەشەممە، هاووڵاتییەک بە ناوی "جەلیل کەرەمی"، کوڕی ڕەحمەت، تەمەن ٤٠ ساڵ و خێزاندار، بەهۆی کوتانی واکسەنی ماوەبەسەرچوو لە نەخۆشخانەی "شوهەدا"ی شاری دێولان، ، گیانی لەدەست دا.
ڕۆژی سێشەممە ٢٦ی ڕەشەمە، هاووڵاتییەکی کورد بە ناوی "فەردین ئەدوایی"، خەڵکی گوندی "سلێن" سەر بە شاری سەوڵاوا، بە دانانی کەفاڵەت بە شێوەی کاتی هەتا کۆتایی قۆناغەکانی دادڕەسییەکەی لە زیندانی مەریوان ئازاد کرا.
ڕۆژی دووشەممە ٢٥ی ڕەشەمە، هاووڵاتییەکی کورد بە ناوی "سەلاحەدین ئەفلیدە"، کوڕی ڕەحمان و خەڵکی مەهاباد، بۆ بەندی زیندانییانی سیاسیی زیندانی ورمێ ڕاگوێزرا.
هاووڵاتییەکی کورد بە ناوی "پەیام ئەنوەری"، کوڕی کاوە و خەڵکی شاری بانە، پاش (تسلیم بە رأی) بۆ جێبەجێکردنی حوکمەکەی بۆ زیندانی ناوەندیی سنە ڕاگوێزراوە.
لە بەرەبەری خۆئامادەکردن بۆ ڕێوڕەسمی چوارشەممەسووری وەکوو دوایین چوارشەممەی ساڵ، مێرمنداڵێکی تەمەن ١٥ ساڵە لە شاری ورمێ گیانی لەدەست داو و هاووڵاتییەکی دیکەی خەڵکی ئەو شارە بریندار بوو.
دوو هاووڵاتیی کورد بە ناوەکانی "مێعراج مورتەزایی" و "هیوا عەزیزپوور"، خەڵکی گوندی "دێوەزناو" سەر بە شاری سەوڵاوا، لەلایەن دادگای ئینقلابی مەریوان، سەرجەم بە ١٧ مانگ زیندان مەحکووم کران.
ئاژانسی هەواڵدەریی کوردپا
