كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
شەوی سێشەممە ١١ی جۆزەردان، فەرزاد سامانی و ساکار عەینی، لە دەسبەسەرکراوانی بەفرانباری ٩٩، پاش نزیک ٥ مانگ لە دەسبەسەرکرانیان لە گرتنگەی ئیتلاعاتی سپا لە ورمێ، ڕەوانەی زیندانی ناوەندیی ئەو شارە کران.
ڕۆژی دووشەممە ١٠ی جۆزەردان، هاووڵاتییەکی کورد بە ناوی "ڕەسووڵ عەبدوڵڵانژاد"، کوڕی ئەبووبەکر، خەڵکی گوندی "گەرگوولی خوارێ" و دانیشتووی شاری پیرانشار بە دانانی بارمتە لە زیندانی نەغەدە ئازاد کرا.
ڕۆژی دووشەممە ١٠ی جۆزەردان، دوو زیندانیی سیاسی بە ناوەکانی "ڕەحیم ڕەفعەتی"، کوڕی محەممەد و "ڕەحمان تابش"، کوڕی موراد، خەڵکی شاری شنۆ، لە زیندانی نەغەدە بۆ زیندانی شوێنی لەدایکبوونیان ڕاگوێزراون.
ژنە هاووڵاتییەک بە ناوی "محەببەت مەحموودی"، خەڵکی ورمێ کە لە ٢٠ ساڵ لەمەوبەر هەتاکوو ئێستا بە تۆمەتی "قەتڵی بەئەنقەست" لە زیندانی ناوەندیی ورمێدایە، بۆ ڕزگاری لە پەتی سێدارە پێویستیی بە یارمەتیی ماڵی هەیە.
بەرێوەبەری دەرمان و پشتیوانییە کۆمەڵایەتییەکانی بەرەنگاربوونەوەی ماددە سڕکەرەکان، ڕایگەیاندووە: "ساڵانە نزیک ٤ هەتا ٥ هەزار کەس لە ئێران، بەهۆی بە کاربردنی ماددە سڕکەرەکانەوە گیانیان لەدەست دەدەن".
ڕۆژی دووشەممە ١٠ی جۆزەردان، کۆڵبەرێکی کورد بە ناوی "محەممەد سادقی"، خەڵکی سەقز، لە ئەنجامی تەقەی هێزە نیزامییەکانی حکوومەتی ئێران، لە سنووری "بروێشکانیـ"ـی بانە، بریندار بووە.
لە ڕۆژی یەکشەممە ٩ی جۆزەردان، فەرزاد سامانی، یەکێک لە دەسبەسەرکراوانی بەفرانباری ٩٩ لە گرتنگەی ئیتلاعاتی سپای پاسداران لە ورمێ، دەستی داوەتە مانگرتن.
ڕۆژی دووشەممە ٣ی جۆزەردان، هاووڵاتییەکی کورد بە ناوی "سۆران شەریفی" و خەڵکی بۆکان، لەلایەن هێزە ئەمنییەتییەکانەوە دەسبەسەر کراوە.
ژاکان باران، شاعیری خەڵکی "مەلەکشا" سەر بە ئیلام، لە ناڕەزایەتی دەربڕین لەمەڕ وڵامنەدانەوەی نووسینگەی نوێنەرایەتیی ڕێکخراوی نەتەوە یەکگرتووەکان لە هەولێر بەنیسبەت داخوازییەکانی، لێوەکانی خۆی دووریوە.
شەوی شەممە ٨ی جۆزەردان، تێکهەڵچوونێکی نیزامی لەنێوان پێشمەرگەکانی حیزبی دێموکراتی کوردستانی ئێران و هێزەکانی سپای پاسداران لە جادەی مەهاباد ــ پیرانشار، لە نزیکیی گوندی "لکبن"، سەر بە پیرانشار ڕووی داوە.
ئاژانسی هەواڵدەریی کوردپا
