كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی سێشەممە ٥ی گەلاوێژ، ژمارەیەک لە کرێکارانی شوێنگەی "سی ئین جیـ"ـی شارەداریی شاری ورمێ، بەهۆی دواکەوتنی پارەی ٥ مانگەیان، لەبەردەم بینای ئەو ناوەندە حکوومەتییە کۆبوونەتەوە و ناڕەزایەتییان دەربڕیوە.
ڕۆژی سێشەممە ٥ی گەلاوێژ، لوقمان عەزیزی زیندانیی سیاسیی پێشوو و خەڵکی شنۆ، بە دانانی بارمتە لە زیندانی ئەو شارەدا ئازاد کرا.
ڕۆژی یەکشەممە ٣ی گەلاوێژ، کرێکارێک بە ناوی "عەتا سەعید ئەفشار" خەڵکی گوندی "کانی‌سانان" سەر بە مەریوان، بەهۆی جەڵتەی دڵ، لە شاری هەڵەبجە گیانی لەدەست دا.
ڕۆژی دووشەممە ٤ی گەلاوێژ، کۆڵبەرێکی کورد بە ناوی "فەرەیدوون ساڵحی"، خەڵکی بۆکان، لە ئەنجامی تەقەی هێزە نیزامییەکانی حکوومەتی لە سنووری "هەنگەژاڵـ"ـی بانە گیانی لەدەست داوە و چەندین کۆڵبەری دیکەش بریندار بوونە.
ڕۆژی دووشەممە ٤ی گەلاوێژ، هاووڵاتییەکی کورد بە ناوی "خەلیل عەینی"، خەڵکی گوندی "سینگان" سەر بە شنۆ، پاش بانگهێشتکردنی بۆ ئیدارەی ئیتلاعاتی شنۆ، لێپرسینەوەی لەگەڵ کراوە.
باپیرە بەرزە و کەیوان نژادڕەسووڵ، دوو زیندانیی سیاسیی خەڵکی پیرانشار بۆ زیندانی کراوە ڕاگوێزران.
شەوی شەممە ٢ی گەلاوێژ، هاووڵاتییەکی کورد بە ناوی "ئیبراهیم تاریمورادی"، تەمەن ٥٥ ساڵ، کوڕی محەممەدساڵح و خەڵکی گوندی "ئەمرۆڵە" سەر بە سنە، لەلایەن هێزە ئەمنییەتییەکانەوە دەسبەسەر کرا.
هاووڵاتییەکی کورد بە ناوی "سەلاح بەهرامییان" خەڵکی گوندی "گوندەوێڵە" سەر بە شنۆ، لەلایەن لقی ١ی دادگای ئینقلابی شنۆ بە سەرۆکایەتی دادوەر "ڕەزایی"، دوو ساڵ زیندانیی تەعزیریی بەسەردا سەپاوە.
ڕۆژی دووشەممە ٢٨ی پووشپەڕ، هاووڵاتییەکی کورد بە ناوی "قاسم عەزیزییان"، تەمەن ٢٨ ساڵ، کوڕی ڕەسووڵ و خەڵکی گوندی "لەج" سەر بە مەهاباد، بە دانانی بارمتە لە زیندانی ئەو شارەدا ئازاد کراوە.
سەلاح شەریف‌زادە، زیندانیی سیاسیی کورد خەڵکی بۆکان لە زیندانی خەڵخاڵ تووشی ڤایرۆسی کۆرۆنا بووە.
ئاژانسی هەواڵدەریی کوردپا
