كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
لە چارەنووسی هاووڵاتییەکی کورد بە ناوی "مۆحسێن ئەحمەدزادە"، کوڕی ڕۆستەم و خەڵکی گوندی "کۆسە کەرێز" سەر بە مەهاباد کە مانگی خەرمانانی ئەمساڵ لەلایەن هێزە ئەمنییەتییەکانەوە دەسبەسەر کرابوو، زانیارییەک لەبەردەستدا نییە.
ڕۆژی پێنجشەممە ٢٢ی ڕەزبەر، هاووڵاتییەکی کورد بە ناوی "زاهیر ڕووزخوون"، خەڵکی گوندی "کۆسەکەرێز" سەر بە مەهاباد، بە دانانی بارمتە لە زیندانی ئەو شارەدا، ئازاد کرا.
ڕۆژی پێنجشەممە ٢٢ی ڕەزبەر، ئەندامێکی هێزە نیزامییەکان لە ناوچە سنوورییەکانی نەوسوود، بەهۆی تەقینەوەی مین بریندار بووە و لاقی چەپی لەدەست داوە.
ڕۆژی چوارشەممە ٢٠ی ڕەزبەر، کرێکارێکی تەمەن ٢٠ ساڵ، خەڵکی شاری قوروە، لە کاتی کارکردن لە بینایەکی چوار نهۆمیدا بەربووەتەوە و بە سەختی بریندار بووه.
موژگان کاووسی، نووسەر و لێکۆڵەری کورد کە ڕۆژی چوارشەممە ٢١ی ڕەزبەر لە زیندانی کەچووئیی کەرەج بۆ زیندانی ئێڤین ڕاگوێزرابوو، دیسانەوە گەڕێندراوەتەوە بۆ زیندانی کەچووئیی کەرەج.
ڕۆژی سێشەممە ٢٠ی ڕەزبەر، هاووڵاتییەکی کورد بە ناوی "کاوە سلێمان‌پوور"، خەڵکی گوندی "خوڕخوڕە" سەر بە مەهاباد، بە دانانی بارمتە لە زیندانی ئەو شارە، ئازاد کرا.
ڕۆژی سێشەممە ٢٠ی ڕەزبەر، هاووڵاتییەکی کورد بە ناوی "بێهروز عەزیزی"، تەمەن ٤٠ ساڵ، کوڕی محەممەدساڵح و خەڵکی گوندی "مێراو" سەر بە ناوچەی ژاوەرۆی سنە، بە دانانی بارمتە لە یەکێک لە گرتنگە ئەمنییەتییەکانی ئەو شارە ئازاد کرا.
ڕۆژی شەممە ١٧ی ڕەزبەر، هاووڵاتییەک بە ناوی "سامان محەممەدی"، خەڵکی کامیاران، لەلایەن هێزە ئەمنییەتییەکانەوە لە بانە دەسبەسەر کرا.
هەواڵدەریی مافی مرۆیی "هێرانا" ڕۆژی یەکشەممە ١٨ی ڕەزبەر، باسی لە دەسبەسەرکردنی هاووڵاتییەکی کورد بە ناوی "خەدیجە مێهدی‌پوور"، تەمەن ٣٤ ساڵ و خەڵکی شاری ئیلام، لەلایەن هێزە ئەمنییەکانەوە، کرد.
ڕۆژی یەکشەممە ١٨ی ڕەزبەر، هاووڵاتییەکی کورد بە ناوی "ئومید سەرئەفراز"، خەڵکی دیواندەرە بە دانانی بارمتە لە گرتنگەی ئەمنییەتیی شارامفەری سنە، ئازاد کرا.
ئاژانسی هەواڵدەریی کوردپا
