كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی هەینی ٢٣ی سەرماوەزی ١٤٠٣، مەسعەب سەبزەواری، کۆڵبەری برینداری خەڵکی گوندی "قشلاق" سەر بە بەشی شاهۆی شاری ڕوانسەر لە پاریزگای کرماشان، بە هۆی سەختیی برینەکانییەوە گیانی لەدەست دا.
ڕۆژی پێنجشەممە ٢٢ی سەرماوەزی ١٤٠٣، هاووڵاتییەک بە ناوی "دیاکۆ عەزیزی" خەڵکی گوندی "باب خاڵاوێ" سەر بە شاری شنۆ، بە مەبەستی جێبەجێکرانی سزای بەندکرانەکەی خۆی بە بەندیخانەی ئەم شارە ناساند.
بەهمەن نادری، هاووڵاتیی خەڵکی کرماشان لەلایەن لقی یەکی دادگای ئینقلابی ئەم شارەوە بە تۆمەتی "پڕوپاگەندە دژی نیزام" بە یەک ساڵ بەندکرانی هەڵپەسێردراو و پێبژاردنی ١٠ میلیۆن تمەن سزای نەختی سزا دراوە.
ڕۆژی چوارشەممە ٢١ی سەرماوەزی ١٤٠٣، کۆڵبەرێک بە ناوی "عەبدوڵڵا مەعرووفی" خەڵکی پیرانشار، بە تەقەی هێزە نیزامییەکانی حکوومەت لە سنووری ئەم شارە بریندار کرا.
سەرلەبەیانیی ڕۆژی چوارشەممە ٢١ی سەرماوەز، کۆڵبەرێک بە ناوی "مەسعەب سەبزەواری" بە تەقەی هێزە نیزامییەکانی حکوومەت لە سنووری نەوسوود بە سەختی بریندار بوو.
ئیدریس مینبەری، ئەندامی بەڕێوەبەریی ڕێکخراوی نۆژین، لەلایەن لقی یەکی دادگای ئینقلابی سنەوە بە دوو ساڵ بەندکران سزا درا.
سزای دەرکرانی لەیلا سەلیمی، مامۆستای وانەی پەروەرشی و چالاکی سێنفیی مامۆستایان لەلایەن لێژنەی پێداچوونەوەی سەرپێچییە ئیدارییەکانی وەزارەتی پەروەردەوە بە دوو مانگ دوورخرانەوە لە کار گۆڕدرا.
ئومید شامحەممەدی، هیوا قوڕەیشی، پەرویز ئەحسەنی و کاوە محەممەدزادە لە ئەندامانی ئەنجومەنی سێنفیی مامۆستایانی کوردستان – دیواندەرە بە بڕیاری لێژنەی پێڕاگەیشتن بە سەرپێچییە ئیدارییەکانی پەروەردە بە دەرکران و دوورخرانەوە سزا دران.
ئەیووب دەماوەندی، هاووڵاتیی خەڵکی پیرانشار لەلایەن لقی یەکی دادگای ئینقلابی مەهابادەوە بە سەرۆکایەتیی دادوەر "دووستی" بە پێنج ساڵ و ١٥ ڕۆژ بەندکرانی داسەپاو سزا درا.
ڕەحمان قادری، هاووڵاتیی کوردی خەڵکی پیرانشار لەلایەن لقی ١٠٢ی دادگای کەیفەری ٢ی ئەم شارە بە تۆمەتی "پڕوپاگەندە دژی نیزام" بە ٨ مانگ بەندکران سزا درا.
ئاژانسی هەواڵدەریی کوردپا
