كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
بە بانگکرانی عەلی ئەڵڵاوەیسی چالاکی مەدەنی و بەندکراوی سیاسیی پێشوو، ژمارەی دەسبەسەکراو و بانگکراوانی سنە لە پێوەندی لەگەڵ مانگرتنی گشتیی ڕۆژی ٣ی ڕێبەندان دژی سزای سێدارە، گەیشتە ١٨ کەس.
ڕۆژی شەممە ٦ی ڕێبەندانی ١٤٠٣، کچێکی تەمەن ١٧ ساڵ بە ناوی "کانی عەبدوڵڵاهی" بە لێدانی چەقۆ بە دەستی باوکی لە گوندی "ماشکان" سەر بە شاری پیرانشار کوژرا.
ڕۆژی چوارشەممە ٣ی ڕێبەندانی ١٤٠٣، هاووڵاتییەکی کورد بە ناوی "پارسا ڕەحیمی" خەڵكی سنە لەلایەن هێزە ئەمنییەەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی شەممە ٦ی ڕێبەندانی ١٤٠٣، مورتزا سەیدی، چالاکی کرێکاریی خەڵکی شاری کامێران بۆ ماوەی یەک حەفتە لە بەندیخانەی ئێڤینەوە نێردراوەتە مورەخەسی.
سەرلەبەیانیی ڕۆژی یەکشەممە ٧ی ڕێبەندانی ١٤٠٣، ناسر ئەحمەدزادە، هاووڵاتیی خەڵکی مەهاباد لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی شەممە ٦ی ڕێبەندانی ١٤٠٣، ئەفشین مستەفاپوور، هاووڵاتیی کوردی خەڵكی نەغەدە، پاش بانگکران بۆ ئیتلاعاتی ئەم شارە دەسبەسەر کرا.
ڕۆژی شەممە ٦ی ڕێبەندانی ١٤٠٣، پەیام فەتحی چالاکی کرێکاریی خەڵكی سنە بانگی ئیتلاعاتی سنە کرا و لێپرسینەوەی لێ کرا. بەم شێوەیە و بە بانگکردنی پەیام فەتحی ژمارەی بانگکراوان و دەسبەسرکراوانی سنە لە ماوەی ٧ ڕۆژدا گەیشتە ١٦ کەس.
ڕۆژی شەممە ٦ی ڕێبەندانی ١٤٠٣، هیوا فەیزی، هاووڵاتیی کوردی خەڵکی گوندی "مەولان ئاوا"ی سەقز پاش ٥٥ ڕۆژ دەسبەسەرکران و بە شێوەی کاتی و بە دانانی بارمتەی ٥٠٠ میلیۆن تمەنی لە بەندیخانەی سەقز ئازاد کرا.
٦ی ڕێبەندانی ١٤٠٣؛ هاووڵاتییەکی کورد بە ناوی ئەمجەد ساڵحزادە" تەمەن ٣٨ ساڵ و کوڕی ئەحمەد و خەڵکی سەقز، پاش چوار ڕۆژ دەسبەسەرکران بە مەبەستی لێپرسینەوە بۆ گرتنگەی شارامفەری ئیتلاعاتی سپای پاسداران لە سنە ڕاگوێزراوە.
ڕۆژی پێنجشەممە ٤ی ڕێبەندانی ١٤٠٣، دوو هاووڵاتیی کورد بە ناوەکانی "زاهید خالیدیان" و "واحید خالیدیان" خەڵکی قوروە لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
ئاژانسی هەواڵدەریی کوردپا
