كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی چوارشەممە ٨ی ڕەشەممەی ١٤٠٣، هیوا بەهین، هاووڵاتیی خەڵکی بۆکان پاش بانگهێشتکردنی بۆ لقی جێبەجێکاری دادگای کەیفەری دادسەرای گشتیی و ئینقلابی شاری بۆکان، بۆ جێبەجێ کردنی ماوەی زیندانییەکەی، دەسبەسەر و بۆ زیندانی ئەو شارە ڕاگوێزرا.
ڕۆژی سێشەممە ۷ی ڕەشەممەی ۱٤۰۳، ئەمجەد گوریاخێز، چالاکی کرێکاری خەڵکی سنە، پاش ۳٥ ڕۆژ لە دەسبەسەرکرانی به دانانی بارمتە لە زیندانی سنە ئازاد کرا.
ڕۆژی سێشەممە ۷ی ڕەشەممەی ۱٤۰۳، نەریمان ڕەندانی، چالاکی مەدەنیی خەڵکی شاری سەقز، بە دانانی بارمتەی ٦۰۰ میلیون تمەنی، به شێوەی کاتیی لە زیندانی ئەو شاره ئازاد کرا.
حەمید چەپاتی، چالاکی مەدەنیی کوردی خەڵکی ورمێ، لەلایەن دادگای ئینقلابی ئەو شارە بە ٣ مانگ زیندانی تەعزیری مەحکووم کرا.
حوکمی زیندانی کردنی ئایهان ئیبراهیمی، هاووڵاتیی کوردی خەڵکی ورمێ، لەلایەن لقی ٣٩ی دیوانی باڵای وڵات ڕەت کرایەوە.
سەرلەبەیانی ڕۆژی یەکشەممە ٥ی ڕەشەممەی ١٤٠٣، حوکمی لە سێدارەدانی زیندانییەک بە ناوی "نەعیم عەبدی" خەڵکی شاری قوروە، لە زیندانی ئەو شارە جێبەجێ کرا.
رۆژی دووشەممە ٦ی ڕەشەممەی ١٤٠٣، فەرزاد حەمیدی، هاووڵاتیی خەڵکی کامێران بە دانانی بارمتە، بە شێوەی کاتی لە زیندانی سنە، ئازاد کرا.
نەوزاد بەهرامی، چالاکی مەدەنیی خەڵکی گوندی "دەرەتفێ"ی شاری مەریوان، کە بۆ لێپرسینەوەی بۆ گرتنگەی ئیدارەی ئیتلاعاتی سنە ڕاگوێزرابوو، هەتا ئێستا چارەنووسی ناڕوونە و لەو گرتنگە ئەمنییەتییە ڕاگیراوە.
ڕۆژی یەکشەممە ٥ی ڕەشەممەی ١٤٠٣، دانش شەرەفی، هاووڵاتیی خەڵکی گوندی "سەڵواتاوا" و دانیشتووی سنە بە دانانی بارمتەی ٥٠٠ میلیۆن تمەنی و بە شێوەی کاتی لە بەندیخانەی ناوەندیی ئەم شارە ئازاد کرا.
سەرلەبەیانی ڕۆژی یەکشەممە ٥ی ڕەشەممەی ١٤٠٣، هاووڵاتییەکی کورد بە ناوی "موبین مەجیدزادە" خەڵکی گوندی "گامێش گوڵی" سەر بە شاری میاندواو، لەلایەن هێزە ئەمنییەتییەکانەوە دەسبەسەر و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
