كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی هەینی یەکی خاکەلێوەی ١٤٠٤، محەممەد نیکپەی، ئارام نیکپەی و محەممەد ئەشتەک، سێ هاووڵاتیی کوردی خەڵکی گوندی "نێ" سەر بە شاری مەریوان پاش بانگکران بۆ ئیتلاعاتی ئەم شارە دەسبەسەر کران.
ڕۆژی هەینی یەکی خاکەلێوەی ١٤٠٤، تەحسین دادڕەس، بەندکراوی سیاسیی پێشووی خەڵکی گوندی "سەردۆش"ی مەریوان لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ساریا ئەحمەدی تەمەن ١٧ ساڵ، ئەوین ئەحمەدی تەمەن ١٦ ساڵ و ڕۆژبین ئەفسوون تەمەن ٢٢ ساڵ خەڵکی شاری ماکۆ و دانیشتووی ورمێ بە کەفالەت لە ئیتلاعاتی ورمێ ئازاد کران.
ڕۆژی پێنجشەممە ٣٠ی ڕەشەمەی ١٤٠٣، کۆڵبەرێک بە ناوی "سینا ڕۆستەمپوور" خەڵکی بانە بە تەقەی هێزە نیزامییەکانی حکوومەت لە سنووری "سورکێو"ی ئەم شارە گیانی لەدەست دا.
ڕۆژی چوارشەممە ٢٩ی ڕەشەمەی ١٤٠٣، هاووڵاتییەکی کورد بە ناوی "ئەنوەر ئیبراهیمی" تەمەن ٣٧ ساڵ و کوڕی محەممەد، خەڵکی گوندی "کۆنەلاجانی" پیرانشار بە دانانی بارمتەی پێنج میلیارد تمەنی و بە شێوەی کاتی لە بەندیخانەی نەغەدە ئازاد کرا.
ڕۆژی پێنجشەممە ٣٠ی ڕەشەمەی ١٤٠٣، ئارەزوو جەلیلزادە، مامۆستای قوتابخانەکانی سەردەشت بە دانانی بارمتە و بەشێوەی کاتی لە بەندیخانەی ورمێ ئازاد کرا.
ڕۆژی چوارشەممە ٢٩ی ڕەشەمەی ١٤٠٣، سۆما محەممەدڕەزایی، تەمەن ٣٧ ساڵ و چالاکی مەدەنی و چالاکی بواری ژنانی خەڵکی سنە بە دانانی بارمتەی یەک میلیارد تمەنی و بە شێوەی کاتی هەتا کۆتاییهاتنی قۆناغەکانی دادڕەسی ئازاد کرا.
ڕۆژی یەکشەممە ٢٦ی ڕەشەمەی ١٤٠٣، هاووڵاتییەکی کورد بە ناوی "مووسا ڕەسووڵی" خەڵکی گوندی "خورینج" سەر بە شاری پیرانشار بە دانانی بارمتەی سێ میلیارد تمەنی و بە شێوەی کاتی هەتا کۆتاییهاتنی قۆناغەکانی دادڕەسی لە بەندیخانەی نەغەدە ئازاد کرا.
ڕۆژی سێشەممە ٢٨ی ڕەشەمەی ١٤٠٣، هاووڵاتییەکی کورد بە ناوی "سۆران محەممەدپوور" تەمەن ٢٥ ساڵ و خەڵکی پیرانشار بە دانانی بارمتەی سێ میلیارد تمەنی و بە شێوەی کاتی هەتا کۆتاییهاتنی قۆناغەکانی دادڕەسی لە بەندیخانەی نەغەدە ئازاد کرا.
شەوی شەممە ٢٥ی ڕەشەمەی ١٤٠٣، هاووڵاتییەکی کورد بە ناوی "مەسعوود خزری" خەڵکی گوندی "شاوانە" سەر بە شاری شنۆ، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
