ڕێکەوتی ٢٦ی خەزەڵوەری ١٤٠١، سلێمان شوکری یاسکەندی، لاوی تەمەن ٢٩ ساڵە خەڵکی بۆکان لە ڕەوتی ناڕەزایەتییەکانی ئەو شارە، لەلایەن هێزە سەرکوتکەرە_حکوومەتییەکانەوە بە تەقەی گولـلەی چەکی تاپڕ لە سەر و دەمووچاوی و هەروەها لێدانی باتووم لە سەر و…
ڕۆژی چوارشەممە، ٩ی ڕەشەمە، شەهاب دارابی، هاووڵاتیی خەڵکی شاباد سەر بە پارێزگای کرماشان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
شەوی سێشەممە، ٨ی ڕەشەمە، مێرمنداڵیک بە ناوی "مەتین ڕازیان"، کوڕی سەعید و خەڵکی گوندی "ملە" و دانیشتووی سەقز، لەلایەن هێزە ئەمنییەتییەکانەوە دەسبەسەر کرا.
ڕۆژی پێنجشەممە، ١٠ی ڕەشەمە، کۆبوونەوەی دادگای پێڕاگەیشتن بە تۆمەتەکانی شۆڕش ئەبووبەکری، هونەرمەندی ناسراوی خەڵکی سەردەشت، ناسراو بە "شۆڕەسوار"، لە لقی یەکی دادگای ئینقلابی ئەم شارە بەڕێوە چوو.
یاسر حوسێنی، هاووڵاتیی کوردی خەڵکی کامێران، ١٧ ڕۆژە دەسبەسەر کراوە و هیچ زانیارییەک لەمەڕ چارەنووسی لەبەر دەستدا نییە.
ڕۆژی دووشەممە ٧ی ڕەشەمەی ١٤٠٢، محەممەد عەباسزادە، هونەرمەندی ناسراوی خەڵکی ئیلام بە هۆی ناڕەزایەتیدەربرین بەرانبەر بە گۆرانی وتنی هەندێ لە گۆرانیبێژە حکوومەتییەکان بۆ پشتیوانی لە هەڵبژاردنەکان، لەلایەن ئەماکنی ئیلامەوە بانگ کراوە و پاش…
ڕۆژی دووشەممە، ٧ی ڕەشەمەی ١٤٠٢، سونیا شەریفی لە دەسبەسەرکراوانی بزووتنەوەی ژن، ژیان، ئازادی لە ئاودانان، پاش بانگکران بۆ دادسەرای ئەم شارە، بە شێوەی زۆرەملێ بەڵێنی لێ وەرگیراوە کە چیدیکە لە سۆشیاڵ میدیادا چالاکی نەکات.
ڕۆژی دووشەممە، ٣٠ی ڕێبەندان، هاووڵاتییەکی کورد بە ناوی "سۆهراب گوڵمحەممەدی"، خەڵکی گوندی "گازرخانی"، سەر بە شاری کامێران، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی سێشەممە، ٨ی ڕەشەمەی ١٤٠٢، کاسبکارێکی کورد بە ناوی "کاوان ئەمجەدینیا"، خەڵکی گوندی "گوڕەشێر" سەر بە شاری سەردەشت، بە تەقەی هێزە نیزامییەکانی حکوومەت گیانی لەدەست دا.
ساسان چەمەنئارا لە دەسبەسەرکراوانی بزووتنەوەی ژن، ژیان، ئازادی، لە لاپەڕەی ئیکسی خۆیدا باسی لە ڕادەستکردنی دۆسییەکەی بۆ لقی یەکی دادگای ئینقلابی ئیلام کرد.
ئاژانسی هەواڵدەریی کوردپا
