ڕۆژی شەممە ١٠ی خەرمانانی ١٤٠٣، ئەیووب دەماوەندی، هاووڵاتیی کوردی خەڵکی پیرانشار دوای مانگێک دەسبەسەرکران و لێپرسینەوە لە گرتنگەی ئیتلاعاتی ورمێوە بۆ بەندیخانەی نەغەدە ڕاگوێزرا.
سزای بەندکرانی ئومید ئەحمەدڕەش، هاووڵاتیی کوردی خەڵکی پیرانشار کە پێشتر بە ١٠ مانگ بەندکران سزا درابوو، دوای تێپەڕبوونی چەند مانگ، بە «رای باز» گۆڕدرا.
محەممەدڕەزا قەیتەرانی لە دەسبەسەرکراوانی بزووتنەوەی ژن، ژیان، ئازادی بە بارمتەی یەک میلیارد تمەنی و بە شێوەی کاتی لە بەندیخانەی مەهاباد ئازاد کرا.
حەسەن مەردانی، بەندکراوی سیاسیی کوردی خەڵکی بۆکان کە لە بەندیخانەی ئەم شارە ماوەی سزاکەی خۆی تێدەپەڕێنێ، سەرەڕای پێویستیی بە پێڕاگەیشتنی پزیشکی لە مافی وەرگرتنی مورەخەسیی دەرمانی بێبەری کراوە.
ڕۆژی هەینی ٩ی خەرمانانی ١٤٠٣، کۆڵبەرێکی کورد بە ناوی "ئەسعەد ئێسپەندار"، تەمەن ٢٤ ساڵ و خەڵکی سەردەشت بە تەقەی هێزە نیزامییەکانی حکوومەت لە سنووری "ئاڵۆت"ی بانە گیانی لەدەست دا.
ڕۆژی پێنجشەممە ٨ی خەرمانانی ١٤٠٣، حەسەن ئەمینی، برای محەممەد ئەمینی، لە گیانلەدەستداوانی بزووتنەوەی ژن، ژیان، ئازادی، بە پێبەندی ئێلێکترۆنیکییەوە لە بەندیخانەی سنە ئازاد کرا.
سەرلەبەیانیی ڕۆژی پێنجشەممە ٨ی خەرمانانی ١٤٠٣، سزای لەسێدارەدرانی بەندکراوێک بە ناوی "سیروان ئەبووبەکری" خەڵکی سەردەشت لە بەندیخانەی مەهاباد جێبەجێ کرا.
ڕۆژی یەکشەممە ٤ی خەرمانانی ١٤٠٣، مامۆستا عەلی بەهرامی، پێشنوێژی گوندی "نێ" سەر بە شاری مەریوان پاش گەڕانەوە لە هەرێمی کوردستانی عێراق لە سنووری "باشماخ"ی ئەم شارە لەلایەن هێزە لیباس شەخسییەکانەوە دەسبەسەر و پاش چەند کاتژمێر ئازاد کراوە.
مامۆستا سابیر خودامورادی، پێشنوێژی شارەکی قەوەخی شاری سەقز، لەلایەن دادگای تایبەتی ڕۆحانییەتی هەمەدانەوە بە ١٥ مانگ بەندکرانی داسەپاو سزا درا.
سەید محەممەد حوسێنی، بەندکراوی سیاسیی کورد، سەرەڕای کۆتاییهاتنی ماوەی دوورخرانەوەکەی بە هۆی دژایەتیی موجتەبا مەحموودی، دادستانی پیرانشار دوور خراوەتەوە.
ئاژانسی هەواڵدەریی کوردپا
