لە ڕۆژانی ڕابردوودا هاووڵاتییەکی کورد بە ناوی "سەیوان ئیبراهیمی" کوڕی "عەبدوڵڵا"، تەمەن ٢٩ ساڵ و خەڵکی گوندی "دزڵیـ"ـی سەر بە شاری مەریوان، لە ترسی دووبارە دەسبەسەرکرانی لەلایەن هێزەکانی ئیتلاعاتی سپای پاسدارانی مەریوانەوە، خۆی حەشار داوە.
ڕۆژی دووشەممە ٢٠ی گەلاوێژ، کۆڵبەرێکی کورد بە ناوی "ئارمین ئەحمەدی" تەمەن ١٧ ساڵ و خەڵکی مەریوان، بە تەقەی هێزە نیزامییەکانی حکوومەت پێکرا.
ڕۆژی دووشەممە ٢٠ی گەلاوێژ، هاووڵاتییەکی کورد بە ناوی "مادیح فەتحی" کوڕی محەممەد خەڵکی شاری سنە، لەلایەن هێزە ئەمنییەتییەکانەوە دەسبەسەر کرا.
سەرلەبەیانی ئەمڕۆ دووشەممە ٢٠ی گەلاوێژ، حوکمی لە سێدارەدانی زیندانییەک بە تۆمەتی "کوشتن" لە زیندانی سنە جێبەجێ کرا.
ڕۆژی شەممە ١٨ی گەلاوێژ، لاوێکی کورد بە ناوی "ئازاد دانشوەر" تەمەن ٢٢ ساڵ کوڕی حامید خەڵکی گوندی "یەنگیجە" سەر بە شاری مەریوان، پاش ٣٤ ڕۆژ لە دەسبەسەرکرانی بە دانانی بارمتە بە شێوەی کاتی هەتا کاتی دادگاییەکەی ئازاد کرا.
ڕۆژی یەکشەممە ١٩ی گەلاوێژ، هاووڵاتییەکی کورد بە ناوی "حوسێن پیروتی" خەڵکی شاری شنۆ، لە ڕێگای تەلەفوونەوە، بانگهێشتی ئیدارەی ئیتلاعاتی ئەو شارە کرا و لێپرسینەوەی لەگەڵ کراوە.
ڕۆژی یەکشەممە ١٩ی گەلاوێژ، عەلی ساکنی، پارێزەری دادگوستەری لە شاری سەقز، دووبارە دەسبەسەر کرا و بۆ زیندانی ئەو شارە ڕاگوێزرا.
ڕۆژی یەکشەممە ١٩ی گەلاوێژ، "وریا دڵ ئەنگیز" چالاکی مەدەنیی خەڵکی مەریوان، بۆ تێپەڕاندنی ماوەی زیندانییەکەی ڕەوانەی زیندانی ئەو شارە کرا.
حەمید قوربانی، کوڕی حەیدەر قوربانی زیندانیی سیاسیی کورد؛ مەحکووم بە ئێعدام لە گرتە ڤیدیۆیەکەدا، ڕوو لە خەڵکی ئێران و ئازادیخوازانی جیهان ڕایگەیاند؛ کە باوکی هیچ جۆرە تاوانێکی ئەنجام نەداوە.
هاووڵاتییەکی خەڵکی ورمێ بە ناوی "حەمید عەبدی" لەلایەن دادگای ئینقلابی ئەو شارەوە بە ١٥ ساڵ زیندانیی تەعزیری مەحکووم کرا.
ئاژانسی هەواڵدەریی کوردپا
