پاش نزیک بە دوو مانگ لە ناڕوونیی چارەنووسی "یاسر مەنگووڕی" ڕۆژی یەکشەممە ڕێکەوتی ٢١ی خەرمانان، ئیدارەی ئیتلاعاتی شاری پیرانشار لە پەیوەندییەکی تەلەفوونیدا بە شێوەی فەرمی بە بنەماڵەی ناوبراویان ڕاگەیاندووە کە کوڕەکەتان کوژراوە.
سێ هاووڵاتیی کورد بە ناوەکانی "حوسێن دوودکانلوو میلان، شاهۆ ئەحمەدی و زاهیر رووزخوون" خەڵکی گوندی "کۆسەکەرێز"ی شاری مەهاباد، لەلایەن هێزە ئەمنییەتییەکانەوە دەسبەسەر کران.
شەوی یەکشەممە ٢١ی خەرمانان، کۆڵبەرێک بە ناوی "ڕەسووڵ کەریمی"، کوڕی کەریم و خەڵکی بانە، لە ئەنجامی تەقەی هێزە نیزامییەکانی حکوومەتی لە سنووری ئەو شارەدا، گیانی لەدەست داوە.
ڕۆژی یەکشەممە ٢١ی خەرمانان، هاووڵاتییەکی کورد بە ناوی "هێمن قەرەداغی"، کوڕی حوسێن و خەڵکی گوندی "ئیندرقاش" سەر بە بەخشی ناوەندیی شاری مەهاباد، بە دانانی بارمتە لە یەکێک لە گرتنگە ئەمنییەتییەکانی ئەو شارەدا ئازاد کرا.
ڕۆژی شەممە ٢٠ی خەرمانان، دوو هاووڵاتیی کورد بە ناوەکانی "محەممەد"، خەڵکی بانە و "ڕامیار"، خەڵکی گوندی "سەبەتلوو" سەر بە بەخشی ناوەندیی بانە، لە ئەنجامی تەقەی هێزە نیزامییەکانی حکوومەتی لە بەرزاییەکانی سنووریی ئەو شارەدا، بریندار بوونە.
ڕۆژی پێنجشەممە ١٨ی خەرمانان، تەحسین پیروزی، زیندانیی سیاسیی کورد، خەڵکی گوندی "سەردۆش" سەر بە مەریوان، لە زیندانی بەندەرعەباس هاتە مەرەخەسی.
دادگای ئینقلابی مەهاباد، هاووڵاتییەکی کوردی بە ناوی "سەعید فەتحینژاد"، تەمەن ٢٨ ساڵ و کوڕی عەلی، بە ٤ ساڵ و ٣ مانگ زیندان، مەحکووم کرد.
ڕۆژی دووشەممە ١٥ی خەرمانان، دوو هاووڵاتیی کورد بە ناوەکانی "بێهرووز عەزیزی"، تەمەن ٤٠ ساڵ، کوڕی محەممەدساڵح و "ڕەسووڵ عەزیزیان"، تەمەن ٥٠ ساڵ، کوڕی محەممەد و خەڵکی گوندی "میراو"، سەر بە ناوچەی ژاوەرۆی سنە، لەلایەن هێزە ئەمنییەتییەکانەوە…
ڕۆژی سێشەممە ١٦ی خەرمانان، مێرمنداڵێک بە ناوی "محەممەد فەردانی"، تەمەن ١٥ ساڵ، کوڕی ڕەسووڵ و خەڵکی شاری "میراوا"ی سەردەشت، لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کراوە.
شەوی سێشەممە ١٦ی خەرمانان، کۆڵبەرێک بە ناوی "حوسێن سەلکانی"، خەڵکی گوندی "شوانکارە" سەر بە ڕوانسەر، بەهۆی بەربوونەوە لە بەرزاییەکانی سنووری نەوسوود، بریندار بووە.
ئاژانسی هەواڵدەریی کوردپا
