ڕۆژی شەممە ٢٧ی ڕێبەندانی ١٤٠٣، ئەحمەد عەلیزادە مامۆستای بە پێشینە و چالاکی سێنفیی ناسراوی خەڵکی ئاودانان بە مەبەستی جێبەجێکرانی سزای دوو ساڵ نیشتەجێبوونی زۆرەملێ ڕەوانەی شاری فەنووج لە پارێزگای سیستان و بەلووچستان کرا.
ڕۆژی شەممە ٢٧ی ڕێبەندانی ١٤٠٣، شێرکۆ تابناک بەندکراوی سیاسیی پێشوو پاش بانگکران بۆ لقی جێبەجێکرانی سزا کەیفەرییەکانی دادسەرای گشتی و ئینقلابی بۆکان، بە مەبەستی جێبەجێکرانی سزای بەندکران دەسبەسەر کرا و بۆ بەندیخانەی ئەم شارە ڕاگوێزراوە.
ڕۆژی شەممە ٢٧ی ڕێبەندانی ١٤٠٣، بەفرین مەعرووفی، هاووڵاتیی خەڵکی بۆکان بە دانانی بارمتە و بە شێوەی کاتی لە بەندی ژنانی بەندیخانەی ناوەندیی ورمێ ئازاد کرا.
لقی ٦ی دادگای پێداچوونەوەی ئیلام، بڕیاری هەڵوەشانەوەی سزای پێبەندی ئێلێکترۆنیکیی کیانووش چراغی، بەندکراوی سیاسیی خەڵكی دێلوڕان و لە دەسبەسەرکراوانی بزووتنەوەی ژن، ژیان، ئازادیی دا.
ڕۆژی سێشەممە ٢٣ی ڕێبەندانی ١٤٠٣، هاووڵاتییەکی کورد بە ناوی "ئومید فەقێ حوسێنزادە (بەگزاد)" خەڵکی گوندی "قومقەڵا" سەر بە شاری مەهاباد لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
سەرلەبەیانی پێنجشەممە ٢٥ی ڕێبەندانی ١٤٠٣، هاووڵاتییەکی کورد بە ناوی "پەیمان ئیسماعیلپوور" تەمەن ٣٣ ساڵ و خەڵکی گوندی "حاجی لەک" سەر بە شاری بۆکان لەلایەن هێزە ئەمنییەتییەکانەوە دەسبەسەر کرا.
ڕۆژی سێشەممە ٢٣ی ڕێبەندانی ١٤٠٣، یەحیا مورادی، هاووڵاتیی خەڵکی جوانڕۆ لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی چوارشەممە ٢٤ی ڕێبەندانی ١٤٠٣، دیاکۆ خزری، هاووڵاتیی کوردی خەڵکی گوندی "شیلاناوێ"ی مەهاباد و مامی شاهۆ خزری لە گیانلەدەستداوانی بزووتنەوەی ژن، ژیان، ئازادی لە مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار…
٢٥ی ڕێبەندانی ١٤٠٣؛ مینا سوڵتانی دایکی شەهریار محەممەدی لە گیانلەدەستداوانی بزووتنەوەی ژن، ژیان، ئازادی لە بۆکان بە تۆمەتی "پڕوپاگەندە دژی نیزام" و ڕەچاونەکردنی "حیجابی شەرعی" بانگی لقی ١٠١ی دادگای کەیفەری ٢ی بۆکان کرا.
ڕۆژی سێشەممە ٢٣ی ڕێبەندانی ١٤٠٣، سوعدا خەدیرزادە و منداڵەکەی "سۆلینا" کە لە بەندیخانەدا لەدایک بووە، پاش ٤٠ مانگ دەسبەسەرکران بە دانانی بارمتەی ٢ میلیارد و ٥٠٠ هەزار تمەنی و بۆ یەکەمین جار بۆ ماوەی ٢٠ ڕۆژ مورەخەسیی پێ درا.
ئاژانسی هەواڵدەریی کوردپا
