سەرچاوەیەكی ئاگادار لەناو زیندانی "ورمێ"وە ئاشكرای كرد لەلایەن لێپرسراوانی زیندانەوە ٣٥ زیندانیی مادە هۆشبەرەكان تێكەڵ بە بەندی زیندانیانی سیاسی كراون و ئەمەش بۆتە هۆی ناڕەزایەتیی زیندانیانی سیاسی.
لە رۆژانی رابردوودا لە شاری روانسەر پێنج هاووڵاتیی كورد لەلایەن هێزە ئیتلاعاتییەكانی حكوومەتەوە دەستبەسەر كراون.
رێکەوتی ٣٠ خەزەڵوەر ١٢٦ مامۆستای خوێندنگاکانی شاری سنە دادگایی دەکرێن.
خوێندکارانی زانکۆی تاران لە نامەیەکدا پشتیوانی خۆیان لە گەلی کورد و زیندانیانی سیاسی بەتایبەت محەممەد سدیق کەبوودوەند دەربڕیوە.
دەبیرخانەی رێكخراوی بەرگری لە مافی مرۆڤی كوردستان بە بڵاو كردنەوەی نامەیەكی سەرئاوەڵا وێڕای داواكردن لە دەوڵەتی توركیە بۆ پاراستنی گیانی مانگرتوان، هاوكات داوای كردووە لە زیندانیانی مانگرتوو كۆتایی بە مانگرتنەكەیان بێنن.
سەرەڕای دابەزینی پلەی گەرمی هەوا لە ماوەی چەند رۆژی رابردوودا، بەرپرسانی زیندانی رەجایی شاری کەرەج لە دانانی سیستمی گەرما بۆ زیندانییەکان خۆیان دەبوێرن.
چالاکێکی کرێکاری پاش خۆ ناساندن بە دادگای شاری سنە بۆ تێپەڕاندنی ماوەی حوکمەکەی رەوانەی زیندانی سنە کراوە.
لێژنەی بەڕێوەبەریی بانگەوازی ٢٧ی خەزەڵوەر لە بانگەوازی ژمارە ٣ی خۆیاندا روو بە جەماوەری کوردستان، چالاکانی سیاسی، حیزب و رێکخراوە سیاسییەکان داوایان کردووە پشتیوانیی خۆیان لەو بانگەوازە دەرببڕن.
دوابەدوای مانگرتنی زیاتر لە ٧٠٠ زیندانی سیاسیی کوردی تورکیە، دەوڵەتی ئەو وڵاتە گەڵاڵەی بەرگری کردن بە زمانی کوردی لە دادگاکاندا رەوانەی پارلمان کرد.
بەپێی سەرچاوەیەكی ئاگادار، ئەمڕۆ ١٠ چالاکی مەزهەبیی دەستبەسەر کراوی کورد لە بەندی گشتیی زیندانی گەوهەردەشتی كەرەجەوە بۆ ژووری تاكەكەسی گوازراونەتەوە.
ئاژانسی هەواڵدەریی کوردپا