سەرلەبەیانیی ڕۆژی یەکشەممە ٢٦ی ڕەشەمەی ١٤٠٣، سزای لەسێدارەدانی بەندکراوێک بە ناوی "ئەرشەد فەرزادبەند" خەڵکی گوندی "ناره" سەر بە ناوچەی مەرگەوەڕی ورمێ لە بەندیخانەی ناوەندیی ئەم شارە جێبەجێ کرا.
ڕۆژی شەممە ٢٥ی ڕەشەمەی ١٤٠٣، فواد کشاوەرز، گۆرانیبێژی خەڵکی سەقز پاش بەشداریکردن لە ڕێوڕەسمی نەورۆز لە شاری ساحیب لەلایەن هێزە ئەمنییەتییەکانەوە دەسبەسەر کرا.
چوار هاووڵاتیی کورد بە ناوەکانی "مامۆستا محەممەدمیرزا ڕەحمانی"، "مووسا تابێعی"، "جەبار ئیبراهیمی" و "هێمن ئیبراهیمی" خەڵکی کامێران بە دانانی بارمتە و بە شێوەی کاتی ئازاد کران.
ڕۆژی شەممە ٢٥ی ڕەشەمەی ١٤٠٣، سلێمان (سامان) چووپانی، هاووڵاتیی خەڵکی پیرانشار بە دانانی بارمتەی سێ میلیارد تمەنی و بە شێوەی کاتی هەتا کاتی بەڕێوەچوونی دادگاکەی لە بەندیخانەی نەغەدە ئازاد کرا.
٢٤ی ڕەشەمەی ١٤٠٣؛ لە درێژەی شەپۆلی بانگکردنی چالاکن و هاووڵاتییانی کورد لە پێوەندی لەگەڵ بەڕێوەچوونی ڕێوڕەسمەکانی نەورۆز لە کوردستاندا، کەریم مەلاعەلیزادە، چالاکی مەدەنی و ژینگەپارێزیی خەڵکی شنۆ بانگی ئیتلاعاتی ئەم شارە کرا و هەڕەشەی لێ کرا…
٢٤ی ڕەشەمەی ١٤٠٣؛ لە ماوەی ڕۆژانی ڕابردوودا، ئیتلاعاتی بۆکان، حەسەن کاکایی هونەرمەند و گۆرانیبێژی خەڵکی و ناسراوی کوردی خەڵکی بۆکانی چەندین جار بانگ کردووە و هەڕەشەی لێ کردووە کە مافی بەشداریکردنی لە هیچکام لە ڕێوڕەسمەکانی نەورۆزدا نییە.
٢٣ی ڕەشەمەی ١٤٠٣؛ کاژیک محەممەدڕەزایی، لاوی کوردی خەڵکی سنە و لە نزیکەکانی سۆما محەممەڕەزایی، چالاکی بواری ژنانی دەسبەسەرکراو، بانگی ئیتلاعات کرا و لێپرسینەوە و هەڕەشەی لێ کرا.
ئەمڕۆ چوارشەممە ٢٢ی ڕەشەمەی ١٤٠٣، ڕەحمان ئەحمەدی هاووڵاتیی خەڵکی گوندی "سیوچ" سەر بە شاری بانە پاش بانگکران بۆ دادگا بە بیانووی تاپۆ دەسبەسەر و بەمەبەستی جێبەجێکرانی سێ ساڵ بەندکرانی داسەپاو ڕەوانەی بەندیخانەی بانە کرا.
ڕۆژی سێشەممە ٢١ی ڕەشەمەی ١٤٠٣، کامران ساختمانگەر، چالاکی کرێکاری و بەندکراوی سیاسیی پێشووی خەڵکی سنە بە دانانی بارمتە لە بەندیخانەی ئەم شارە ئازاد کرا.
لە درێژەی شەپۆلی دەسبەسەرکرانی چالاکانی ژن لە پارێزگای سنە، لەیلا پاشایی چالاکی بواری ژنان دەسبەسەر کرا و بەم جۆرە ژمارەی دەسبەسەرکراوانی بواری ژنان لە ماوەی یەک ڕۆژدا لە پارێزگای سنە گەیشتە ٤ کەس.
ئاژانسی هەواڵدەریی کوردپا
