ئاژانسی هەواڵدەریی کوردپا
ئاژانسی كوردپا: بە ئامانجی " ناڕەزاتەتی دەربڕین بە هێرش و كوشتاری داعش" كەمپەینی پشتیوانی لەخەڵكی کۆبانی لەكوردستانی سووریە، وەرێخرا.
بەپێی راپۆرتی ئاژانسی هەواڵدەریی كوردپا، كەمپەینی پشتیوانی لە خەڵكی کۆبانی بە دەسپێشخەریی چالاكانی سیاسی، فەرهەنگی، مەدەنی و مافی مرۆڤ رێكەوتی ١١ی رەزبەر دەستی بەكار كرد.
كەمپەینەكە، لەژێر ناوی " کۆبانی بەتەنیا جێمەهێڵین" لەلایەن كەسایەتییەكانی كورد و ئێرانی پشتیوانیی لێكراوە.
دكتور قوتبەدین سادقی، دكتور رەحیم فەرهمەند، ئیجلال قەوامی، دكتور حوسێن ئەحمەدی نیاز و نەسرین ستوودە لە ئەندامانی ئەو كەمپەینەن.
كەمپەینەكە بڵاوی كردۆتەوە، دكتور هێرمیداس باوەند، دكتور فەریبورز رەئیس دانا و دوكتور ئەدیب بروومەندیش پەیوەست بە كەمپەینەكە بوون.
ئامانجی كەمپەینەكە " نارەزایەتی دەربڕین بە هێرشەكانی داعش"، ئەنجامدانی چالاكیی مەدەنی و مرۆڤ دۆستانە و خزمەتكردنی خەڵكی کۆبانی راگەیەندراوە.
کۆبانی شاری كوردنشین لە سووریایە و لەماوەی چەند حەفتەی رابردوودا كۆنترۆڵەكەی كەوتۆتە دەست دەوڵەتی ئیسلامی و مەترسیی دووبارە بوونەوەی كارەساتی شنگاڵ لە کۆبانی لە گۆڕێدایە.
پێشتریش چالاكانی فەرهەنگی، رۆژنامەنووسان و چالاكانی مافی مرۆڤی كوردستانی ئێران كەمپەینی پشتیوانی لەشنگاڵیان دامەزراند و یارمەتییان لە شارە جۆراوجۆرەكانی ئێران بۆ كۆ كردنەوە.
