Roja Sêşemî 18’ê Rezberê, ciwanekî Kurd bi navê “Pêşewa Îbrahîmpûr” kurê Qadir temen 19 salî û xelkê Mehabadê ji aliyê hêzên ewlehiyê ve hat binçavkirin û bo cihekî nediyar hat veguhastin.
Serê sibê roja Çarşemî 19`ê Rezbera îsal, girtiyê Serdeştê yê bi navê “Hisên Behirimend” li girtîgeha bajarê Hemedanê hate bidarvekirin.
Êvariya roja Sêşemî 18’ê Rezberê, ciwanê Kurd bi navê “Pûya Xizrî” xelkê Mehabadê ji aliyê hêzên ewlehiyê ve hat binçavkirin.
Lîstikvan, xebatkar û çêkerê şanoyê Riza (Havyer) Nezerî Kakvendî bi biryara Dayreya Hunerên Şanoyê ya Wezareta Çand û Îrşada Îslamî ji hunera şanoyê çalakiyên wî hatin qedexekirin û heta demeke din destûr nayê dayîn ku hunera şanoyê bike.
Li gorî rapora ajansa Nûçegihaniy a Hiranayê, Sakîne Perwane girtiya siyasî li girtîgeha Vekîl Abad a bajarê Meşhedê, ji aliyê liqê yekem ê dadgeha Şoreş a bajarê Meşhedê bi 7 sal û 6 meh heps hat cezakirin.
Roja Pêncşemî 13’ê Rezberê, Keyvan Rehîmî endamê Parsman Seqizê û çalakvanê medyayî yê Kurd ji aliyê hêzên ewlehiyê ve hat binçavkirin.
Êvareya roja Duşemî 10’ê Rezberê, welatiyekî Kurd yê bi navê Ehmed Tekilîfî temen 37 salî û xelkê Murmurî yê ser bi parêzgeha Îlamê girêdaya bajarê Avdananê ji aliyê hêzên ewlehî yên rejîmê ve hate girtin û bo cihekî nexuya hate veguhastin.
Roja Çarşemî 12’ê Rezberê 2 welatiyên Kurd yên bi navên “Hesen Merdanî” temen 65 salî û “Loqman Pîşyar” temen 58 salî xelkê bajarê Bokanê, ji girtîgeha Îdareya Îtilaata Urmiyê bo girtîgeha Bokanê hatine veguhastin.
Kolberekî Kurd û xelkê bajarê Pîranşarê yê bi navê “Erselan Sefyarî” kurê Ebdullah û xelkê gundê “Gezigesk” yê ser bi bajarê Pîranşarê ku bi sedema teqîna mînê bi dijwarî birîndar bibû, di encam de lingê xwe ji dest da.
Roja Çarşemî 5`ê Rezberê, welatiyê Bokanê Qehreman Lotfî ji aliyê hêzên ewlehiyê ve hat binçavkirin û bo cihekî nediyar veguhastin.
Ajansa Nûçegihandinê ya Kurdpa
