چالاکێکی سیاسیی کوردی خەڵکی کامیاران و نیشتەجێی وڵاتی تورکیە، لەلایەن کاربەدەستانی ئەو وڵاتەوە ڕادەستی ئێران کرایەوە و هەروەها چالاکێکی سیاسیی دیکەی کوردی خەڵکی مەریوان، مەترسیی دیپۆرتکردنەوەی لەلایەن دەوڵەتی ڕۆمانییەوە لە سەرە.
کاسبکار و کۆڵبەرێکی کوردی خەڵکی سەردەشت بە تەقەی هێزە نیزامییەکانی حکوومەت کوژران و بریندار بوون.
دوو زیندانی لە زیندانی ورمێ بەهۆی تووشبوون بە نەخۆشیی ئانفوڵانزاوە گیانیان لەدەست دا و هاوکات ١٠ زیندانیی تر بە نیشانەی ناڕەزایەتی دەربڕین بە نەبوونی خزمەتگوزاریی تەندروستی، مانیان گرتووە.
ئیتلاعاتی سپای پاسداران لە پاوە، هاووڵاتییەکی بانگهێشتی ئەو ناوەندە حکوومەتییە کرد و لێپرسینەوەی لەگەڵ کرد.
سێ هاووڵاتیی کوردی خەڵکی سنە و دانیشتووی دەماوەند، لەلایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزران.
لاوێکی کوردی خەڵکی شنۆ، بۆ تێپەڕاندنی ماوەی زیندانیبوونەوەکەی، بۆ زیندانی نەغەدە ڕاگوێزرا.
ئیدارەی ئیتلاعاتی پاوە چوار هاووڵاتیی خەڵکی ئەو شارەی بانگهێشت کرد و لێپرسینەوەیان لەگەڵ کراوە.
هاووڵاتییەکی کوردی خەڵکی شنۆ پاش بڕینەوەی حوکمی دەسبەسەرکردنی و بۆ جێبەجێ کردنی حوکمەی، ڕەوانەی زیندانی ئەو شارە کراوە.
چالاکێکی مەدەنیی کوردی خەڵکی کرماشان دەسبەسەر و بۆ شوێنێکی نادیار ڕاگوێزرا.
دادگای ئینقلابی ئیلام، هاووڵاتییەکی بە تۆمەتی "هاوکاری لەگەڵ یەکێک لە حیزبە کوردییەکان" بە ساڵێک زیندانیی تەعزیری مەحکووم کرد و هەروەها لە چالاکیی میدیایی قەدەغە کراوە.
ئاژانسی هەواڵدەریی کوردپا
