ڕۆژی شەممە، ١٢ی ڕێبەندان، کۆڵبەرێکی کورد بە ناوی "محەممەد ڕەحمانی"، خەڵکی گوندی "لۆن ساداتی" کامیاران، لە کاتی کۆڵبەری لە سنوورەکانی کوردستان بەربووەوە و بریندار بوو.
لاوێکی کورد بە ناوی "جەماڵ مەحموودزادە" تەمەن ٢٧ ساڵ کوڕی عەبدوڵلا، لە لایەن دادگای ئینقلابی شاری ورمێیەوە، بە سێ ساڵ زیندانی تەعزیری مەحکووم کرا.
ئەمڕۆ دووشەممە، ١٤ی ڕێبەندان، سێ چالاکی مەدەنیی کورد بە ناوەکانی "سمکۆ مەعرووفی، هومەن فەیزی و شاهۆ خزری"، بۆ تێپەڕاندنی ماوەی حوکمە بەسەردا سەپاوەکەیان، ڕەوانەی زیندانی بۆکان کران.
ڕۆژی شەممە، ٦ی ڕێبەندان، هاووڵاتییەکی کورد بە ناوی "ئەسکەندەر چراغی" کوڕی "قادر"، خەڵکی بانە و ئەندامی ئەنجومەنی پاژین، لەلایەن هێزە ئیتلاعاتییەکانەوە دەسبەسەر کرا.
ڕۆژی یەکشەممە، ١٣ی ڕێبەندان، بەرپرسانی زیندانی ناوەندیی بروجێرد، هاووڵاتییەکی کرماشانییان بە ناوی "ڕەسووڵ مەلا حەسەنی" بە تۆمەتی پەیوەندیدار بە "ماددەی سڕکەر"ەوە لە سێدارە دا.
دوو هاووڵاتیی کوردی پەیڕەوی ئایینی یارسان بە ناوەکانی "سیرووس و نادر عەزیزی"، بەهۆی ئەوەی کە توانای دابینکردنی بارمتەیان نییە، لە زیندانی دێزڵاوی کرماشاندان.
ڕۆژی شەممە، ١٢ی ڕێبەندان، کۆڵبەرێکی کورد بە ناوی "عوسمان فتووحی" ناسراو بە "عوسمان عەلی مینا"، تەمەن ٥٥ ساڵ و خەڵکی گوندی "مێشاو" و دانیشتووی گەڕەکی تازاوای سەقز، بەهۆی سەرمابردووییەوە گیانی لەدەست دا.
ڕۆژی شەممە، ١٢ی ڕێبەندان، بەهۆی تەقینەوەی یەکێک لە مینە بەجێماوەکانی شەڕی ئێران- عێراق، لە ناوچەی شووشی ئەهواز، لاوێکی کرماشانی بەسەختی بریندار بوو.
ئەمڕۆ شەممە، ١٢ی ڕێبەندان، هاووڵاتییەکی کورد بە ناوی "شارام کازمیان" کوڕی "فارس"، تەمەن ٤٢ ساڵ، پاش یەک مانگ لێپرسینەوە لە گرتنگەی ئیدارەی ئیتلاعاتی ورمێ، بۆ زیندانی ناوەندیی ئەو شارە ڕاگوێزرا.
لە ماوەی ڕۆژی ڕابردوودا، کۆڵبەرێکی کورد بە ناوی "وەلی گوندک مەلا" بەهۆی تەقەی هێزە نیزامییەکانی سپای پاسداران، لە سنووری شنۆ پێکرا.
ئاژانسی هەواڵدەریی کوردپا
