چەند ڕۆژ پیش، ژمارەیەک کۆڵبەر لە سنووری شاری سەردەشت کرانە ئامانجی تەقەی ڕاستەوخۆی هێزە نیزامییەکانی حکوومەت و لە ئاکامی ئەو تەقەیە، کۆڵبەرێکی کورد بە ناوی "عەبدولواحید کەریمپوور" تەمەن ٢٤ ساڵ کوڕی محەممەدئەمین بە سەختی بریندار کرا.
سێ زیندانیی لە زیندانی ناوەندیی شاری ورمێ، لەلایەن دادگای ئینقلابی ئەو شارە، بە تۆمەتی پێوەندییدار بە ماددەی "سڕکەر" بە ئێعدام مەحکووم کرد.
"یەحیا ئیلاهی"، فەرماندەی هەنگی سنوورپارێزیی له پارێزگای کرماشان، ئەو کۆڵبەرانەی کە دوو ڕۆژ پێش، لەلایەن هێزە نیزامییەکانی حکوومەتییەوە لە سنووری نەوسوود تەقەیان لێکرا، بە "دسدرێژکار" لە قەڵەم دا.
زیندانییەکی کورد لە گرتووخانەی ناوەندیی ورمێ بە ناوی "خوسرەو زەرستان" کوڕی "مەحیەدین" خەڵکی شنۆ، بەهۆی پێشگرتنی بەرپرسانی زیندان، لە چارەسەریی پزیشکی بێبەری کراوە.
حەوتووی ڕابردوو، هاووڵاتییەکی کورد بە ناوی "وەلی نەسری" تەمەن ٥٦ ساڵ و خەڵکی گوندی "تەنگیسەر" دانیشتووی شاری سنە، لە لایەن هێزە ئیتلاعاتییەکانەوە دەسبەسەر و ڕەوانەی زیندانی ئەو شارە کرا.
دادگای ئینقلابی سنە سێ ساڵ زیندانیی بەسەر "سیروان ئیبراهیمی"، بەرپرسی لقی ئەنجومەنی فەرهەنگی- کۆمەڵایەتیی "نۆژین" لە شاری کامیاران سەپاند.
ڕۆژی دووشەممە، ٢٨ی ڕێبەندان، کۆڵبەرێکی دیکەی کورد بە ناوی "شاهد ئەداک"، خەڵکی گوندی "ژیوار"، سەر بە هەورامان، پاش ٢٤ کاتژمێر، بەهۆی قورسیی برینەکەیەوە لە ئەنجامی تەقەی هێزە نیزامییەکانی حکوومەت گیانی لەدەست دا.
ڕۆژی یەکشەممە ٢٧ی ڕێبەندان، ژمارەیەک لە کۆڵبەرانی کورد لە سنووری نەوسوود سەر بە شاری پاوە، لەلایەن هێزە نیزامییەکانی حکوومەتییەوە، دەسڕێژیان لێکرا.
ڕۆژی یەکشەممە ٢٧ی ڕێبەندان، دوو زیندانیی سیاسیی کورد بە ناوەکانی "کامران دەرویشی و سیامەک ئەشرەفی" لە بەندی زیندانییانی سیاسیی زیندانی ورمێ، بۆ بەندی لاوانی ئەو زیندانە ڕاگوێزران.
ئیوارەی ڕۆژی یەکشەممە ٢٧ی ڕێبەندان، کۆڵبەرێکی کورد بە ناوی "کامران قادری" خەڵکی گوندی "سەردۆش" سەر بە شاری مەریوان، بە هۆی تەقەی هێزە نیزامییەکانی حکوومەت پێکرا.
ئاژانسی هەواڵدەریی کوردپا
