سەر لە بەیانی ئەمڕۆ چوارشەممە ١٠ی بەفرانبار، حوکمی لەسێدارەدانی زیندانییەک تۆمەتبار بە "قەتڵ" بە ناوی "مستەفا سەیفی"، تەمەن ٢٨ ساڵ، کوڕی "عەتا"، خەڵکی گوندی "وێژنانـ"ـی شاری سەوڵاوا، لە زیندانی ناوەندیی سنە جێبەجێ کرا.
ئەمڕۆ سێشەممە ٩ی بەفرانبار، "فەریدە وەیسی" و "سیروس عەباسی"، دوو چالاکی مەدەنیی خەڵکی شاری "دێولان" پاش دەرکرانی حوکمی دەسبەسەرکرانیان، بۆ ئامادەبوون لە کۆبوونەوەی دادگا، لەلایەن هێزە ئەمنییەتییەکان دەسبەسەر و بۆ لقی ١ی دادگای ئینقلابی شاری…
ڕۆژی دووشەممە ٨ی بەفرانبار، "هادی تەنوومەند"، چالاکی کریکاری، دوای تەواوبوونی ماوەی مەرەخەسییەکەی گەڕایەوە بۆ زیندانی بۆکان.
ڕۆژی شەممە ١٣ی بەفرانبار، کۆبوونەوەی دادگاییکردنی دووبارەی دۆسییەی زیندانییەکی سیاسیی کورد بە ناوی "سامان کەریمی"، کوڕی "محەممەد ساڵح"، خەڵکی شاری بانە، پاش ڕەتکردنی حوکمی ئێعدامی لە دیوانی باڵات وڵات، لە دادگای ئینقلابی سنە بەڕێوە دەچێت.
ڕۆژی دووشەممە ٨ی بەفرانبار، کۆڵبەرێکی کورد بە ناوی "عەبدولکەریم محەممەدی" خەڵکی گوندی "پشت کوڕ" سەر بە شاری سەلاس باوەجانی، بەهۆی بەربوونەوه لە بەرزاییەکانی سنووری نەوسوود، بریندار بوو.
ڕۆژی یەکشەممە ٧ی بەفرانبار، زیندانییەک تۆمەتبار بە "قەتڵ" بە ناوی "مستەفا سەیفی" تەمەن ٢٨ ساڵ کوڕی عەتا خەڵکی گوندی "وێژنان" سەر بە شاری سەوڵاوا، بۆ جێبەجێکردنی حوکمی لە سێدارەدانەکەی ڕەوانەی ژووری تاکەکەسی زیندانی سنە کرا.
کەسایەتییەکانی خەڵکی گوندەکانی مەرگەوەڕ، لە نامەیەکدا بۆ بەرپرسانی قەزایی داوای لێخۆشبوونی شاکر بێهرووزی، زیندانی سیاسیی کوردی مەحکووم بە ئێعدام دەکەن.
ڕۆژی یەکشەممە ٧ی بەفرانبار، ژنە هاووڵاتییەکی کورد بە ناوی "زەینەب خودامورادی" تەمەن ٤٣ ساڵ خەڵکی شاری قوروە بە تۆمەتی "کوشتنی بە ئەنقەست" لە زیندانی ناوەندیی سنە، لە سێدارە درا.
ڕۆژی یەکشەممە ٧ی بەفرانبار، کۆڵبەرێکی کورد بە ناوی "دانیال دەرزیان" بە هۆی بەربوونەوە لە بەرزاییەکانی سنووری "دزڵی" شاری سەوڵاوا، بریندار بوو.
"هادی محەممەدزادە" ئەندامی گرووپی شاخەوانیی "هەڵۆ"ی سەقز پاش تەواوبوونی ماوەی حوکمەکەی لە زیندانی ئەو شارە ئازاد کرا.
ئاژانسی هەواڵدەریی کوردپا
