ڕۆژی دووشەممە ۲۹ی بەفرانبار، ٥ کۆڵبەری کورد بە ناوەکانی "مەتین ئەسڵانی کوڕی عوسمان، یاوەر ئەسڵانی کوڕی لوقمان، بولەن ئەحمەدی کوڕی سادق، مولایی خودایی کوڕی حاتەم و فرات خودایی کوڕی خورشید"، بەهۆی ڕنووی بەفر لە سنووری ورمێ، گیانیان لەدەست دا.
سێ چالاکی کورد بە ناوەکانی "دەریا تاڵبانی، عەزیمە ناسری و ئەسرین محەممەدی"، پاش دەسبەسەری لەلایەن هێزە ئەمنییەتییەکان لە مەهاباد، بۆکان و تاران، بۆ لێپرسینەوە، ڕەوانەی گرتنگەی "ئەلمەهدیـ"ـی ورمێ کران.
لە ماوەی ڕۆژانی ڕابردوودا، سێ ئەندامی مەکتەب قورئان بە ناوەکانی "عەبدولکەریم فەرهادی، سەعید سەجادی و سەعدی وەلەدبەیگی"، بانگهێشتی ئیتلاعاتی سپا لە شاری پاوە کران و لێپرسینەوەیان لەگەڵ کرا.
سەر لە بەیانیی ڕۆژی دووشەممە ٢٩ی بەفرانبار، هاووڵاتییەکی کورد بە ناوی "یووسف فەتاحزادە"، تەمەن ٣٧ ساڵ، کوڕی مەحموود و خەڵکی شاری بانە، بەهۆی تەقەی ڕاستەوخۆی هێزەکانی سپای پاسداران گیانی لەدەست دا.
لە ماوەی ڕۆژانی ڕابردوودا، هاووڵاتییەکی کورد بە ناوی مەلا "جەمشید حەمیدی"، کوڕی مەحموود خەڵکی گوندی "شاوانێ" سەر بە شنۆ ڕەوانەی زیندانی ئەو شارە کراوە.
سەر لە بەیانیی ئەمڕۆ دووشەممە ٢٩ی بەفرانبار، حوکمی لە سێدارەدانی زیندانییەکی تۆمەتبار بە "قەتڵ"، بە ناوی "فاتێح قادرینیا" تەمەن ٤٦ ساڵ، کوڕی "جەعفەر" و خەڵکی گوندی "دەل" سەر بە سەوڵاوا، لە زیندانی ناوەندیی سنە جێبەجێ کرا.
ڕۆژی یەکشەممە ۲٨ی بەفرانبار، کۆڵبەرێکی کورد بە ناوی "عوسمان حەسەنپوور"، تەمەن ٥٥ ساڵ و خەڵکی بانە، لە بەرزاییەکانی سنووری "نەنۆڕ"ی بانە کەوتە خوارەوە.
دوو هاووڵاتیی کورد بە ناوەکانی " سالار و سامان غەزالی"، خەڵکی شاری مەهاباد، لەلایەن لقی ١ی دادگای ئینقلابی ئەو شارە بە سەرۆکایەتی دادوەر "جەواد غوڵامی"، هەر کامەیان بە ٣ ساڵ و ٦ مانگ زیندان مەحکووم کران.
ڕۆژی شەممە ٢٧ی بەفرانبار، هاووڵاتییەکی کورد بە ناوی "ئەمیر بایەزیدی ئازەر"، کوڕی مستەفا و خەڵکی گوندی "لەج" سەر بە شاری مەهاباد، لەلایەن هێزە ئەمنییەتییەکانەوە دەسبەسەر کرا.
ڕۆژی شەممە ٢٧ی بەفرانبار، "ئەکبەر گەوێڵی"، چالاکی مەدەنیی خەڵکی سنە بۆ جێبەجێکردنی حوکمەکەی ڕەوانەی زیندانی ئەو شارە کرا.
ئاژانسی هەواڵدەریی کوردپا
