دوو هاووڵاتیی کورد بە ناوەکانی "قادر ڕەسووڵپوور" و "محەممەد حاجی ڕەسووڵپوور"، خەڵکی بۆکان پاش دەسبەسەری لەلایەن هێزە ئەمنییەتییەکانەوە، بۆ لێپرسینەوە ڕەوانەی یەکێک لە گرتنگە ئەمنییەتییەکان لە ورمێ کران.
ئەمڕۆ سێشەممە ۷ی ڕێبەندان، "مستەفا ئیلخانیزادە"، بەرپرسی فێرگەی زمانی کوردی "ئەدەب" لە بۆکان، لەلایەن هێزە ئەمنییەتییەکانەوە دەسبەسەر کرا.
ڕۆژی دووشەممە ٦ی بەفرانبار، هاووڵاتییەکی کورد بە ناوی "عەتا (شەماڵ) ڕەحمانزادە"، خەڵکی سەقز، پاش تەواوبوونی لێپرسینەوەکەی بە دانانی بارمتە لە گرتنگە ئازاد کرا.
لە ڕێکەوتی ١٧ی بەفرانبار هەتا ٦ی ڕێبەندان، شەپۆلێک لە دەسبەسەرکردن و بانگهێشتکردنی هاووڵاتییانی کورد لە شارەکانی مەهاباد، مەریوان، ڕەبەت، سنە، بۆکان، سەوڵاوا، نەغەدە، پیرانشار، سەقز، کرماشان و تاران لەلایەن هێزە ئەمنییەتییەکانەوە دەستی…
ئەمڕۆ سێشەممە ٧ی ڕێبەندان، کۆڵبەرێکی کورد بە ناوی "واحید محەممەدی"، تەمەن ٣٠ ساڵ و خەڵکی گوندی "میراوای خواروو" سەر بە بانە، لە کاتی چوونەسەرەوە لە بەرزاییەکانی گوندی "بروێشکانی" لە بەخشی نەنۆڕ کەوتە خوارەوە.
کانوونی داکۆکیکارانی مافی مرۆڤ بە بڵاوکردنەوەی بەیاننامەیەکدا، بە نیسبەت شەپۆلی دەسبەسەرکردنی بەربڵاوی چالاکانی مەدەنی، خوێندکاری و سیاسی لە کوردستانی ئێران، ناڕەزایەتیی خۆیان دەربڕیوە.
ڕۆژی سێشەممە ٣٠ی بەفرانبار، هاووڵاتییەکی کورد بە ناوی "سەلام خەلیفانی"، خەڵکی گوندی "کانی بوداغ" سەر بە پیرانشار لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزراوە.
ڕۆژی دووشەممە ٦ی ڕێبەندان، تەرمی دوو کۆڵبەرەکەی دیکەی خەڵکی گوندی "کوران"، سەر بە ناوچەی سۆما و برادۆستی ورمێ بە ناوەکانی "یاوەر ئەسڵانی و فرات خودایی" کە لەژێر ڕنووی بەفردا ون ببوون، دۆزراونەتەوە.
ڕۆژی یەکشەممە ٥ی ڕێبەندان، هونەرمەندێکی کورد بە ناوی "عەبدووڵڵا چاوەشی"، خەڵکی گوندی "حاجی لەک" سەر بە ناوچەی "چۆمی مەجیدخان"، پاش تەواوبوونی ماوەی مەرەخەسییەکەی گەڕایەوە زیندانی بۆکان.
ڕۆژی دووشەممە ٦ی ڕێبەندان، کۆڵبەرێکی کورد بە ناوی "ئەمیر وەیسی"، تەمەن ٣٠ ساڵ و خەڵکی گوندی "جۆجاڕ" سەر بە شاری سەلاسی باوەجانی، بەهۆی تەقەی هێزە نیزامییەکانی حکوومەتی لە سنووری نەوسوود بریندار بوو.
ئاژانسی هەواڵدەریی کوردپا
