ڕۆژی شەممە ٢٨ی خاکەلێوە، کۆڵبەرێک بە ناوی "هیوا قادری"، خەڵکی سەردەشت، لە ئەنجامی ڕاودوونانی هێزە نیزامییەکانی حکوومەتی، لە بەرزاییەکانی سنووری بانە کەوتووەتە خوارەوە و گیانی لەدەست داوە.
دادگای پێداچوونەوە، هاووڵاتییەکی کورد بە ناوی "سوبحان (ڕاشد) ئەحمەدی"، کوڕی جەلیل و خەڵکی شاری کامیارانی کە بە تۆمەتێک، سزای ١ ساڵ و ١ ڕۆژ زیندانیی تەعزیریی بەسەردا سەپابوو، بێتاوان ناساند.
ڕۆژی پێنجشەممە ٢٦ی خاکەلێوە، هاووڵاتییەکی کورد بە ناوی "سەلمان ئەفرا" کوڕی "ڕەحمەت" و خەڵکی گوندی "نێـ"ـی مەریوان، بە دانانی بارمتە لە زیندانی ئەو شارە ئازاد کرا.
ڕۆژی چوارشەممە ٢٥ی خاکەلێوە، سێ هاووڵاتیی کورد بە ناوەکانی "ئارام نیک‌پێی"، "سەیوان پەرتۆ" و "جەماڵ گرامی"، خەڵکی گوندی "نێـ"ـی مەریوان، بە دانانی بارمتە بە شێوەی کاتی لە زیندانی ئەو شارە ئازاد کران.
حوکمی ئێعدامی ئەرسەلان خودکام، زیندانیی سیاسیی کورد، خەڵکی مەهاباد بۆ زیندانی هەتاهەتایی گۆڕدرا.
هاووڵاتییەکی کورد بە ناوی "سەلاح بەهرامییان"، خەڵکی گوندی "گوندەوێڵە" سەر بە شنۆ، پاش دەسبەسەرکرانی لەلایەن هێزە ئەمنییەتییەکانەوە، بۆ لێپرسینەوە ڕەوانەی یەکێک لە گرتنگە ئەمنییەتییەکان لە ورمێ کراوە.
سەرلە بەیانی ڕۆژی سێشەممە ٢٤ی خاکەلێوە، هاووڵاتییەکی کورد بە ناوی "سەعید کەرەمی" خەڵکی شاری "پەهلە"، ناوەندی بەخشی "زەڕیناوا"ی شاری دێهلۆڕان، لەلایەن هێزە ئەمنییەتییەکانەوە دەسبەسەر کرا.
دۆسیەی زارا محەممەدی، مامۆستای زمانی کوردی و ئەندامی ئەنجومەنی فەرهەنگی ــ کۆمەڵایەتیی "نۆژین"، بۆ پێداچوونەوە ڕەوانەی دیوانی باڵای وڵات کراوە.
سەرلەبەیانیی ڕۆژی سێشەممە ٢٤ی خاکەلێوە، هاووڵاتییەکی کورد بە ناوی "ستار کەریمی"، خەڵکی شاری "پەهلە"، ناوەندی بەخشی "زەڕیناوا"ی شاری دێهلۆڕان، لەلایەن هێزە ئەمنییەتییەکانەوە دەسبەسەر کرا.
سەرلەبەیانیی ڕۆژی دووشەممە ٢٣ی خاکەلێوە، حوکمی ئێعدامی زیندانییەک بە ناوی "ئەرسەلان مورادی"، کوڕی عەبدوڵڵا و خەڵکی شاری دیواندەرە، لە زیندانی ناوەندیی بیرجەند جێبەجێ کرا.
ئاژانسی هەواڵدەریی کوردپا
