سەرلەبەیانیی ڕۆژی هەینی ١٥ی ڕەشەمە، هاووڵاتییەکی کورد بە ناوی "قوباد ناوخاسی" خەڵکی گوندی "ماسیەری کۆن" سەر بە شاری سەقز، بەهۆی تەقەی هێزە نیزامییەکانی حکوومەتی بە تووندی بریندار بووە.
شۆرای ئینزباتیی زیندانی ئێڤین موژگان کاووسی، نووسەر و لێکۆڵەری کوردی لە مافی مەرەخەسی بێبەری کردووە.
ڕۆژی پێنجشەممە ١٤ی ڕەشەمە، ڕەشید ناسرزادە، چالاکی ژینگەیی خەڵکی شنۆ، بە شێوەی مەرجدار لە زیندانی شنۆ ئازاد کرا.
ڕۆژی پێنجشەممە ۱٤ی ڕەشەمە، دوو هاووڵاتیی کورد بە ناوەکانی "سەلیم شەریفی" و "عەزیز قادرتاج"، خەڵکی شنۆ، بە دانانی بارمتە بە شێوەی کاتی هەتا کۆتایی قۆناغەکانی دادڕەسییەکەیان، لە زیندانی ئەو شارە ئازاد کراون.
ڕۆژی یەکشەممە ۱۰ی ڕەشەمە، حوکمی ئێعدامی زیندانییەک لە زیندانی دێزڵاوای کرماشان، جێبەجێ کرا.
هاووڵاتییەکی کورد بە ناوی "فەرشاد فەتاحی"، خەڵکی ورمێ، لەلایەن لقی ٢ی دادگای ئینقلابی ئەو شارە بە سەرۆکایەتی دادوەر "شێخلوو"، بە سێ ساڵ زیندان مەحکووم کرا.
ڕۆژی چوارشەممە ١٣ی ڕەشەمە، هاووڵاتییەکی کورد بە ناوی "عەزیز قادرتاج" خەڵکی شنۆ، پاش کۆتایی لێپرسینەوەکەی لە یەکێک لە گرتنگە ئەمنییەتییەکان لە ورمێ، بۆ زیندانی ئەو شارە ڕاگوێزرا.
زیندانییەکی تۆمەتبار بە "قەتڵ" بە ناوی "مریەم شەریفی"، تەمەن ٥٥ ساڵ لە زیندانی سەقز، بۆ ڕزگاربوون لە ئێعدام پێویستیی بە یارمەتیی ماڵی هەیە.
زیندانییەکی تۆمەتبار بە "قەتڵ" بە ناوی "مێهدی مستەفازادە بەردییانی"، کوڕی مەدەنی و خەڵکی گوندی "مەڕنێ"، سەر بە ناوچەی سۆما و برادۆستی ورمێ، بە لێخۆشبوونی بنەماڵەی کوژراوەکە، لە ئێعدام ڕزگاری بوو.
ڕۆژی چوارشەممە ١٣ی ڕەشەمە، چالاکێکی ژینگەیی بە ناوی "ڕۆیا جەلالی"، خەڵکی سنە، بە دانانی بارمتە بە شێوەی کاتی هەتا کۆتایی قۆناغەکانی دادڕەسییەکەی، لە گرتنگەی ئیدارەی ئیتلاعاتی ئەو شارە ئازاد کرا.
ئاژانسی هەواڵدەریی کوردپا
