ڕۆژی دووشەممە ٢٤ی جۆزەردان، دوو کۆڵبەری کورد بە ناوەکانی "بەشیر ئەحمەدزادە" و "بەسیر ئەحمەدزادە"، خەڵکی گوندی "دشە" سەر بە پاوە، لە ئەنجامی تەقەی هێزە نیزامییەکانی حکوومەتی لە سنووری نەوسوود بریندار بوونە.
ڕۆژی یەکشەممە ٢٣ی جۆزەردان، کەیهان موکەڕەم، زیندانیی سیاسیی کورد خەڵکی گوندی "ئەنبێ" سەر بە ناوچەی تەرگەوەڕ لە زیندانی ناوەندیی ورمێ، دەستی داوەتە مانگرتن.
ئانیسا جەعفەریمێهر و داریووش مورادی، دوو چالاکی فەرهەنگیی خەڵکی شاباد لە تۆمەتی "پڕۆپاگەندە دژی نیزام" بێتاوان ناسێندران.
شەوی شەممە ٢٢ی جۆزەردان، کۆڵبەرێکی کورد بە ناوی "وەلی ڕوستەمی"، خەڵکی گوندی "پشتکڕ" سەر بە سەلاس باوەجانی، لە ئەنجامی تەقەی هێزە نیزامییەکانی حکوومەتی لە سنووری نەوسوود بریندار بووە.
ڕۆژی یەکشەممە ٢٣ی جۆزەردان، شاکر بێهرووزی زیندانیی سیاسیی کورد و مەحکووم بە ئێعدام لە زیندانی ورمێ، لە ناڕەزایەتی دەربڕین بە ڕەوتی نادادپەروەرانەی دادڕەسییەکەی و پشتڕاستکردنەوەی حوکمی لەسێدارەدانی لە دیوانی باڵای وڵات، دەستی داوەتە مانگرتن.
ڕۆژی شەممە ٢٢ی جۆزەردان، زیندانییەکی سیاسیی کورد بە ناوی "دیاکۆ بالکی"، تەمەن ٢٧ ساڵ، کوڕی حەسەن و خەڵکی مەریوان لە زیندانی ئەو شارە هاتە مەرەخەسی.
ئەمڕۆ یەکشەممە ٢٣ی جۆزەردان، کۆڵبەرێکی کورد بە ناوی "مەسعوود خزرنژاد"، خەڵکی بۆکان، لە ئەنجامی تەقەی هێزە نیزامییەکانی حکوومەتی لە سنووری "هەنگەژاڵـ"ـی بانە، بریندار بووە.
بەپێی ڕاپۆرتی هەواڵدەریی هێرانا، ڕۆژی شەممە ٢٢ی جۆزەردان، زینداییەکی مەحکووم بە ئێعدام لە زیندانی ورمێ بەهۆی ئەوەیکە درەنگ ڕەوانەی نەخۆشخانە کراوە، لە بێهداریی ئەو زیندانەدا گیانی لەدەست داوە.
ڕۆژی سێشەممە ١٨ی جۆزەردان، هاووڵاتییەکی کورد بە ناوی "حەسەن فەرەجی" تەمەن ٤٤ ساڵ کوڕی محەممەد خەڵکی گوندی "لەنجئاوا"ی شاری مەریوان، لەلایەن هێزە ئەمنییەتییەکانەوە دەسبەسەر کرا.
کۆڵبەرێکی کورد بە ناوی "حەمید وەیسی"، خەڵکی گوندی "مەیدان تفلی" سەر بە بەخشی ناوەندیی شاری سەلاس باوەجانی، بەهۆی بەربوونەوە لە بەرزایی لە سنووری نەوسوود گیانی لەدەست داوە.
ئاژانسی هەواڵدەریی کوردپا
