لە ڕۆژی شەممە ٢٩ی جۆزەردان، زیندانییەکی مێرمنداڵ بە ناوی "ئارمان فەرەهمەند"، تەمەن ١٧ ساڵ، کوڕی موختار و خەڵکی گوندی "سەردۆش" سەر بە مەریوان، بە دوورینی لێوەکانی لە کانوونی ئیسلاح و تەربییەتی سنە، دەستی داوەتە مانگرتن.
ڕۆژی یەکشەممە ٣٠ی جۆزەردان، هاووڵاتییەکی کورد بە ناوی "نەجیب دەریایی"، تەمەن ٢٨ ساڵ، کوڕی مەجید و خەڵکی شنۆ، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزراوە.
سەرلەبەیانیی ڕۆژی یەکشەممە ٣٠ی جۆزەردان، کۆڵبەرێکی کورد بە ناوی "سەعدوون ئەحمەدی"، خەڵکی بانە، لە ئەنجامی تەقەی هێزە نیزامییەکانی حکوومەتی لە سنووری "هەنگەژاڵـ"ـی ئەو شارەوە گیانی لەدەست داوە.
ئارام فەتحی، شاعیر و چالاکی مەدەنیی خەڵکی مەریوان کە ڕۆژی پێنجشەممە ٢٧ی جۆزەردان، لەلایەن هیزە ئەمنییەتییەکانەوە دەسبەسەر کرابوو، بۆ بەندی دابڕگەی زیندانی ئەو شارە ڕاگوێزراوە.
ڕۆژی شەممە ٢٩ی جۆزەردان، شێرکۆ ئاگووشی، زیندانیی سیاسیی خەڵکی پیرانشار بە پێبەندی ئێلێکترۆنیکی لە زیندانی نەغەدە ئازاد کرا.
ڕۆژی شەممە ٢٩ی جۆزەردان، هاووڵاتییەکی کورد بە ناوی "ڕەحمان کەریمی"، خەڵکی نەغەدە، لەلایەن هێزە ئەمنییەتییەکانەوە دەسبەسەر کرا.
ڕۆژی هەینی ٢٨ی جۆزەردان، بەسیر ئەحمەدزادە، کۆڵبەری خەڵکی گوندی "دشە"، سەر بە پاوە، لە ئەنجامی تەقەی هێزە نیزامییەکانی حکوومەتی بەهۆی قورسیی برینەکانییەوە، لە نەخۆشخانەی تالقانیی کرماشان گیانی لەدەست دا.
ڕۆژی پێنجشەممە ٢٧ی جۆزەردان، هاووڵاتییەکی کورد بە ناوی "نائیب عەسکەری"، خەڵکی ورمێ، پاش کۆتایی لێپرسینەوەکەی لە گرتنگەی ئیتلاعاتی سپا، ڕەوانەی زیندانی ناوەندیی ئەو شارە کرا.
بەیانیی ڕۆژی پێنجشەممە ٢٧ی جۆزەردان، ئارام فەتحی، شاعیر و چالاکی مەدەنیی خەڵکی مەریوان لەلایەن هیزە ئەمنییەتییەکانەوە دەسبەسەر و ڕەوانەی شوێنێکی نادیار کراوە.
ئەمڕۆ پێنجشەممە ٢٧ی جۆزەردان، هاووڵاتییەکی کورد بە ناوی "سیروان ئێناخی" تەمەن ٣٠ ساڵ خەڵکی گوندی "سەریاس"ی بەخشی باینگانی پاوە، لە لایەن هێزە ئەمنییەتییەکانەوە دەسبەسەر و بۆ شوێنێکی نادیار، ڕاگوێزرا.
ئاژانسی هەواڵدەریی کوردپا
