دادگوستەریی گشتیی پارێزگای سنە، داخوازیی جێبەجێکردنی ماددەی ٤٧٧ی یاسای ئایینی دادڕەسیی کەیفەری بۆ حەیدەر قوربانی، زیندانیی سیاسیی مەحکووم بە ئێعدامی بەندکراو لە زیندانی ناوەندیی سنەی، ڕەت کردەوە.
ڕۆژی چوارشەممە ٢٠ی گەلاوێژ، دوو هاووڵاتیی کورد بە ناوەکانی "خورشید ئیبراهیمی"، خەڵکی گوندی "زێوە" و "جەلال ئیبراهیمی"، خەڵکی گوندی "بەردەکەشک" سەر بە ناوچەی دزەی دۆڵی ورمێ، بە دانانی بارمتە لە یەکێک لە گرتنگە ئەمنییەتییەکانی ئەو شارەدا،…
سەرەڕای تێپەڕبوونی زیاتر لە ٤٠ ڕۆژ لە کاتی دەسبەسەرکرانی دوو هاووڵاتیی کورد بە ناوەکانی "شوان شێخە" و "کاوە شەریفی"، خەڵکی سەردەشت، لە چارەنووسیان هەروا هیچ زانیارییەک لەبەردەستدا نییە.
ڕۆژی چوارشەممە ٢٠ی گەلاوێژ، موژگان کاووسی، نووسەر و لێکۆڵەری کورد پاش کۆتایی ماوەی مەرەخەسییەکەی، گەڕایەوە بۆ زیندانی ئێڤین.
ڕۆژی سێشەممە ١٩ی گەلاوێژ، دوکتور ناسر هیمەتی، دەروونناس، نووسەر و شاعیری شاری ئابدانان، پاش بانگهێشتکردنی بۆ لقی ١ی ئیجرای ئەحکامی دادگای ئینقلابی ئیسفەهان، بۆ جێبەجێکردنی حوکمەکەی ڕەوانەی زیندانی دەستگرد کراوە.
ڕۆژی دووشەممە ١٨ی گەلاوێژ، کۆڵبەرێک بە ناوی "فەرهاد ئیسماعیلی"، تەمەن ١٩ ساڵ و خەڵکی پیرانشار، لەلایەن هێزەکانی حکوومەتەوە لە سنووری بانە بریندار کرا.
ڕۆژی شەممە ١٦ی گەلاوێژ، هاووڵاتییەکی کورد بە ناوی "بەهادین مستەفانژاد" کوڕی "محەممەد"، تەمەن ٣٠ ساڵ و خەڵکی گوندی "بەرکەمران" سەر بە شاری پیرانشار، لەلایەن هێزە ئەمنییەتییەکانەوە دەسبەسەر کرا.
شەوی یەکشەممە ١٧ی گەلاوێژ، کۆڵبەرێکی کورد بە ناوی "ئومید خزری" کوڕی "عومەر"، تەمەن ٤٧ ساڵ و خەڵکی مەهاباد و دانیشتووی ڕەبەتی سەردەشت، بە تەقەی هێزە نیزامییەکانی حکوومەت لە سنووری بانە گیانی لەدەست دا.
ڕۆژی دووشەممە ١٨ی گەلاوێژ، زیندانییەک بە ناوی "ئەفشار مینایی" کوڕی "محەممەد" و خەڵکی گوندی "شمشێر" سەر بە شاری پاوە، لە زیندانی دیزڵاوای کرماشان لەسێدارە درا.
ڕۆژی دووشەممە ١٨ی گەلاوێژ، هاووڵاتییەکی کورد بە ناوی "ڕەشید ڕەحیمی" خەڵکی بۆکان، لەلایەن هێزە ئەمنییەتییەکانی حکوومەتەوە دەسبەسەر کرا.
ئاژانسی هەواڵدەریی کوردپا
