ڕۆژی یەکشەممە ٣٠ی خەزەڵوەر، دوو چالاکی ژینگەیی بە ناوەکانی "جەهانگیر ساغەرنیا"، تەمەن ٣٣ ساڵ و "خەبات خەتیاڵ" تەمەن ٤٠ ساڵ، خەڵکی پیرانشار، بە دانانی بارمتە لە زیندانی نەغەدە ئازاد کران.
ڕۆژی یەکشەممە ٣٠ی خەزەڵوەر، دوو هاووڵاتیی کورد بە ناوەکانی "محەممەد حاجی‌ڕەسووڵی" و "ئیدریس حاجی‌ڕەسووڵی"، خەڵکی بۆکان، پاش بانگهێشتکردنیان بۆ ئیتلاعاتی سپای پاسداران، لێپرسینەوەیان لەگەڵ کرا.
"هوشمەند عەلیپوور" زیندانیی سیاسیی کوردی خەڵکی سەردەشت، لە ڕۆژی سێشەممە ٢٥ی خەزەڵوەرەوە لە ناڕەزایەتی دەربڕین لەمەڕ دژایەتیکردن لەگەڵ داواکاریی مەرەخەسییەکەی و هەروەها دەستێوەردانی ئیدارەی ئیتلاعاتی سنە لە دۆسیەکەی، مانی گرتووە.
ڕۆژی شەممە ٢٩ی خەزەڵوەر، "ئەرەستوو (ڕەسووڵ) مەلاڕەحیمی"، چالاکی مەدەنیی خەڵکی مەهاباد، بۆ جێبەجێکردنی حوکمەکەی، دەسبەسەر و ڕەوانەی زیندانی ئەو شارە کرا.
هاووڵاتییەکی کورد بە ناوی "مەهدی پارسەنگ" کوڕی "حەیدەر"، تەمەن ٣٠ ساڵ و خەڵکی شاری سەرپێڵی‌زەهاو سەر بە پارێزگای کرماشان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی چوارشەممە ٢٦ی خەزەڵوەر، هاووڵاتییەکی کورد بە ناوی "زاگرۆس ڕەشیدی" کوڕی "سەعید" و خەڵکی گوندی "چۆمان" سەر بە شاری بانە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی پێنجشەممە ۲۷ی خەزەڵوەر، دوو هاووڵاتیی کورد بە ناوەکانی "مۆحسێن سلێمانی"، کوڕی قادر و "دیار سلێمانپوور"، کوڕی خزر و خەڵکی گوندی "خوڕخوڕە" سەر بە مەهاباد، بە دانانی بارمتە لە زیندانی ئەو شارە ئازاد کران.
ڕۆژی چوارشەممە ۲٦ی خەزەڵوەر، چالاکێکی ژینگەیی بە ناوی "جەهانگیر ساغەرنیا"، تەمەن ۳۳ ساڵ و ئەندامی ڕێکخراوەی ژینگەپارێزانی پیرانشار، لەلایەن هێزە ئەمنییەتییەکانەوە دەسبەسەر کرا.
ڕۆژی چوارشەممە ٢٦ی خەزەڵوەر، دوو هاووڵاتیی کورد بە ناوەکانی "فاروق سلێمانپوور" کوڕی سلێمان و "مەسعوود سلێمانپوور" کوڕی سەلیم، خەڵکی گوندی "خوڕخوڕە" سەر بە مەهاباد، بە دانانی بارمتە لە زیندانی ئەو شارە ئازاد کران.
هاووڵاتییەکی کورد بە ناوی "چیا ئاغابەیگ پوور"، کوڕی "ئەحمەد" و خەڵکی گوندی "ڕەحیم‌خان" سەر بە بۆکان، لەلایەن دادگای ئینقلابی ئەو شارەوە بە ١ ساڵ و ٢ مانگ زیندان، ٧٠ زەربە قامچی و دانی بڕی ٣٠ ملیۆن تمەن سزای نەختی، مەحکووم کرا.
ئاژانسی هەواڵدەریی کوردپا
