ڕۆژی شەممە ٩ی ڕێبەندان، هاووڵاتییەکی کورد بە ناوی "چیاکۆ کەریمی" تەمەن ٢٣ ساڵ، کوڕی "حەسەن" و خەڵکی گوندی "دگاگا" سەر بە شاری سەوڵاوا، بە تەقەی هێزە نیزامییەکانی حکوومەت بریندار کرا.
ڕۆژی دووشەممە ١١ی ڕێبەندان، هاووڵاتییەکی کورد بە ناوی "یووسف عومەرپوور" کوڕی "مستەفا" و خەڵکی گوندی "چیانە" سەر بە پیرانشار لەلایەن هێزە ئەمنییەتییەکانەوە دەسبەسەر کرا.
ڕۆژی شەممە ڕێکەوتی ٩ی ڕێبەندان، "خەبات شەکیبا" چالاکی کرێکاریی خەڵکی سنە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئەمڕۆ دووشەممە ١١ی ڕێبەندان، جەبار دۆستی، یەکێک لە ئەندامانی ئەنجومەنی سێنفیی مامۆستایانی کوردستان - مەریوان، لەلایەن هێزە ئەمنییەتییەکانەوە دەسبەسەر کرا.
ڕۆژی یەکشەممە ١٠ی ڕێبەندان، شەعبان محەممەدی، یەکێک لە ئەندامانی ئەنجومەنی سێنفی مامۆستایانی کوردستان - مەریوان، لەلایەن هێزە ئەمنییەتییەکانەوە دەسبەسەر کرا.
ڕۆژی یەکشەممە ١٠ی ڕێبەندان، کەیوان مینوویی، چالاکی مەدەنی و مامۆستای زمانی کوردی خەڵکی گوندی "نێـ"ـی مەریوان، بە دانانی بارمتە لە زیندانی ئەو شارە ئازاد کرا.
ڕۆژی پێنجشەممە ٧ی ڕێبەندان، هاووڵاتییەکی کورد بە ناوی "هێمن ڕەسووڵزادە" کوڕی عومەر خەڵکی "میراوا"ی شاری بۆکان، لەلایەن هێزە ئەمنییەتییەکانەوە دەسبەسەر و بۆ شوێنێکی نادیار، ڕاگوێزرا.
ڕۆژی شەممە ٩ی ڕێبەندان، دوو هاووڵاتیی کورد بە ناوەکانی "زەمانە زیویە" و "مێقداد (کاردۆخ) حەسەن‌نژاد" خەڵکی شاری سەقز، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
ئێوارەی ڕۆژی شەممە ٩ی ڕێبەندان، لە درێژەی دەسبەسەرکردنی هاووڵاتییان لە شاری پیرانشار، هاووڵاتییەک بە ناوی "موراد مامەڕەش" خەڵکی "پەسوێـ"ـی پیرانشار، لەلایەن هێزە ئەمنییەتییەکانەوە دەسبەسەر کرا.
ڕۆژی شەممە ڕێکەوتی ٩ی ڕێبەندان، دوو هاووڵاتیی کورد بە ناوەکانی "عەلی عومەرپوور" خەڵکی گوندی چیانە و "فەریاد شیلان" خەڵکی پیرانشار لەلایەن هێزە ئەمنییەتییەکانەوە دەسبەسەر کران.
ئاژانسی هەواڵدەریی کوردپا
