ڕۆژی دووشەممە ٦ی بەفرانبار، هاووڵاتییەکی کورد بە ناوی "کیانووش ڕەحمانی"، کوڕی "میرزا ڕەحمانی" و خەڵکی گوندی "لۆن سادات" سەر بە کامێران، لەلایەن هێزە ئەمنییەتییەکانەوە دەسبەسەر کرا.
ڕۆژی سێشەممە ٣٠ی سەرماوەز، هاووڵاتییەکی کورد بە ناوی "کەریم پوورمحەممەد"، کوڕی "عەلی" و خەڵکی پیرانشار لەلایەن هێزە ئەمنییەتییەکانەوە دەسبەسەر کرا.
ڕۆژی یەکشەممە ٥ی بەفرانبار، ژنێکی لاو بە ناوی "زارا سابیری"، کچی "سوڵتان"، خەڵکی گوندی "قونی" سەر بە ناوچەی سۆما و برادۆستی ورمێ ئاگری لە جەستەی خۆی بەردا و کۆتایی بە ژیانی خۆی هێنا.
دوو هاووڵاتیی کورد بە ناوەکانی مامۆستا "محەممەدمیرزا ڕەحمانی" و "بورهان کەمانگەر"، خەڵکی کامێران، پاش دەسبەسەرکرانیان بۆ لێپرسینەوە ڕەوانەی گرتنگەی ئیدارەی ئیتلاعاتی سنە کران.
شەوی سێشەممە ٣٠ی سەرماوەز، ژن و مێردێکی لاو بە ناوەکانی "پوریا جەوادی" و "مریەم حەق گوو"، خەڵکی بەخشی کارزان سەر بە شاری سیروان لە پارێزگای ئیلام، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
ڕۆژی یەکشەممە ٥ی بەفرانبار، هاووڵاتییەکی کورد بە ناوی "ئیبراهیم عەبدوڵڵاهی"، خەڵکی سەقز و دانیشتووی پێنجوێنی کوردستانی باشوور، لە ئەنجامی تەقینەوەی مین گیانی لەدەست دا.
ڕۆژی یەکشەممە ٥ی بەفرانبار، لە ئەنجامی تەقینەوەی مین منداڵێکی تەمەن ١٠ ساڵ لە دێهلۆران سەر بە پارێزگای ئیلام گیانی لەدەست دا.
هاووڵاتییەکی کورد بە ناوی "سیروان قوربانی"، خەڵکی کامیاران، پاش دەسبەسەرکرانی، بۆ لێپرسینەوە ڕەوانەی گرتنگەی ئیدارەی ئیتلاعاتی سنە کرا.
ڕێکخراوی مافی مرۆڤی ئێران باسی لە پشتڕاستکردنەوەی "قیساسـ"ـی زیندانییەک بە ناوی "ئەکبەر عەباسپوور مەراغە" کە هەنووکە لە زیندانی سنەدایە، لەلایەن دیوانی باڵای وڵاتەوە کرد.
ژمارەیەک لە زیندانییانی سیاسی و عەقیدەتی کە لەهەمبەر ڕاگواستنیان بۆ بەندی نوێی سەرووئەمنییەتی بە نیشانەی ناڕەزایەتی مانیان لە خواردن گرتبوو، ڕۆژی پێنجشەممە ٢ی بەفرانبار کۆتاییان بە مانگرتنی خۆیان هێنا.
ئاژانسی هەواڵدەریی کوردپا
