نووسینگەی ڕێکخراوی داکۆکی لە مافی مرۆڤی کوردستان بە بڵاوکردنەوەی بەیاننامەیەک لەمەڕ نەخۆشیی زەینەب جەلالیان زیندانیی سیاسیی کورد و تێپەڕبوونی ١٥ ساڵ بەسەر زیندانیبوونی ئەو ژنە کوردە، داوای ئازادکردنی ناوبراو دەکات.
ئێوارەی ڕۆژی شەممە ١٤ی ڕەشەمە، لە گردەلوولێکی تویتریدا بە هەشتگی فارسی و ئینگلیزی، خەڵک لە تویتر و هەروەها تۆڕە کۆمەڵایەتییەکان، بە دووپاتکردنەوەی پرسیاری "زەینەب جەلالیان لە کوێ دایە؟"، خوازیاری ئازادکردنی ئەو زیندانییە سیاسییە بوون.
زیندانییەکی سیاسیی کورد بە ناوی "محەممەد مورادی" خەڵکی گوندی "قەبری حوسێن" سەر بە شاری پیرانشار، لەلایەن دادگای ئینقلابی مەهابادەوە بە ١٥ ساڵ دوورخرانەوە بۆ یەکێک لە شارەکانی پارێزگای زەنجان مەحکووم کرا.
ڕۆژی پێنجشەممە ١٢ی ڕەشەمە، کۆبوونەوەی دادگاییکردنی "ئارام مورادیان" هاووڵاتیی خەڵکی گوندی "تەنگیسەر"ی شاری سنە، لە دادگای ئینقلابی ئەو شارە بەڕێوە چوو.
لە چارەنووسی هاووڵاتییەکی کورد بە ناوی "محەممەد سەلیمی" خەڵکی شاری سەقز کە لە ڕۆژی سیشەممە ١٩ی ڕێبەندان لەلایەن هێزە ئەمنییەتییەکانەوە دەسبەسەر کراوە، زانیارییەک لەبەر دەستدا نییە.
ڕۆژی پێنجشەممە ٢١ی ڕێبەندان، هاووڵاتییەکی کورد بە ناوی "سۆران مەحموودی" تەمەن ٣٠ ساڵ کوڕی "مورتزا"، خەڵکی گوندی "دەرەویانـ"ـی شاری پاوە، لەلایەن هێزە ئەمنییەتییەکانەوە دەسبەسەر کراوە.
شەوی ڕابردوو، کۆڵبەرێکی کورد بە ناوی "محەممەد مەلا وسووی وەردێ" خەڵکی گوندی "وەردێ" دانیشتووی شاری ڕەبەت بەهۆی سەرمابردوویی لە سنووری سەردەشت، گیانی لە دەست دا.
ڕۆژی پێنجشەممە ١٢ی ڕەشەمە، زەمانە زیویە خەڵکی سەقز بە دانانی بارمتە لە زیندانی ئەو شارە ئازاد کرا.
لە ماوەی ڕۆژانی ڕابردوودا، هاووڵاتییەکی کورد بە ناوی "سوهەیب یارئەحمەدی" تەمەن ٢٣ ساڵ کوڕی فەریدوون خەڵکی شاری شروێنەی بەخشی کڵاشی جوانڕۆ، بە دانانی بارمتە ئازاد کرا.
سەرەڕای تێپەڕینی دوو حەوتوو بەسەر دەسبەسەرکردنی "کەیۆمەرس لەتیفی" چالاکی مەدەنی و مامۆستانی زمانی کوردیی خەڵکی شاری سنە، لە چارەنووسی ناوبراو هیچ زانیارییەک لەبەر دەستدا نییە.
ئاژانسی هەواڵدەریی کوردپا
