ئەمڕۆ شەممە ٢١ی ڕەشەمە، زیندانییەکی سیاسیی کورد بە ناوی "محەممەد مورادی" خەڵکی گوندی "قەبری حوسێن" سەر بە شاری پیرانشار، بە دانانی بارمتەی ٨ میلیارد تمەنی لە زیندانی نەغەدە ئازاد کرا.
سەرلەبەیانیی ئەمڕۆ شەممە ٢١ی ڕەشەمە، کۆڵبەرێکی کورد تەمەن ٢٦ ساڵ بە ناوی "محەممەد زاهیر فەتحی" خەڵکی گوندی "هۆڵە تەمرخانـ"ـی شاری سەلاسی باوەجانی، لە سنووری نەوسوود بریندار بوو.
ڕۆژی هەینی ٢٠ی ڕەشەمە، هێزە ئەمنییەتییەکانی سەر بە ئیدارەی ئیتلاعاتی سنە، هێرشیان کردووەتە سەر ماڵی باوکی یەدوڵڵا سەمەدی چالاکی کرێکاری و دەستیان بە پشکنینی ماڵەکەیان کردووە.
ڕۆژی چوارشەممە ١٨ی ڕەشەمە، هاووڵاتییەکی کورد بە ناوی "ڕەزا عەبدی" کوڕی عەبدوڵڵا خەڵکی کامیاران لە ئەنجامی تەقەی هێزە نیزامییەکانی حکوومەتی لە نزیک شاری کەنگاوەر سەر بە پارێزگای کرماشان بریندار کرا.
لە ماوەی ڕۆژانی ڕابردوودا، تاهیر سۆفی زیندانیی سیاسیی خەڵکی گوندی "گەرگوولی خوارێ" سەر بە شاری پیرانشار، بە شێوەی مەرجدار لە زیندانی نەغەدە ئازاد کرا.
لە ماوەی ڕۆژانی ڕابردوودا، ئیدارەی ئیتلاعاتی مەریوان ٤١ هاووڵاتیی خەڵکی گوندی "نێـ"ـیان بانگهێشتی ئەو ناوەندە حکوومەتییە کردووە.
لە چارەنووسی هاووڵاتییەکی کورد بە ناوی "عەبدوڵڵا ڕۆزرۆخ" خەڵکی شاری مەریوان کە لە ڕۆژی شەممە ٣٠ی ڕێبەندان، لەلایەن هێزە ئەمنییەتییەکانەوە دەسبەسەر کراوە، زانیارییەک لە بەردەستدا نییە.
ڕۆژی چوارشەممە ١٨ی ڕەشەمە، ڕۆستەم ئەرکیا، زیندانیی سیاسیی کورد خەڵکی شاری ماکۆ، بە شێوەی مەرجدار لە زیندانی یەزد ئازاد کرا.
ڕۆژی پێنجشەممە ١٩ی ڕەشەمە، کۆڵبەرێکی کورد بە ناوی "کەیوان قادری" تەمەن ٢٧ ساڵ خەڵکی شاری سەردەشت، بەهۆی تەقەی هێزە نیزامییەکانی حکوومەتی لە سنووری ئەو شارە، بریندار کرا.
ئێوارەی ڕۆژی سێشەممە ١٧ی ڕەشەمە، سێ کۆڵبەری کورد بە ناوەکانی "پووریا عەبدولڕەحمانیی نژاد" ،"پژمان عەبدی" و "مەنسوور عەبدی" خەڵکی شاری سەلاس باوەجانی، بە تەقەی هێزە نیزامییەکانی حکوومەتی لە سنووری نەوسوود پێکران.
ئاژانسی هەواڵدەریی کوردپا
