ڕۆژی دووشەممە، ٧ی ڕێبەندان، هاووڵاتییەکی کورد بە ناوی "شارام شاکری"، خەڵکی مەریوان کە لە ناڕەزایەتییەکانی مانگی خەزەڵوەردا دەسبەسەر کرابوو، ئازاد کرا.

ئەو هاووڵاتییە کوردە لە ماوەی دەسبەسەرکرانیدا، لە بوونی "پارێزەر و چاوپێکەوتن لەگەڵ بنەماڵەکەی" بێبەری بووە.

"شارام شاکری" لە ڕەوتی کۆبوونەوە ناڕەزایەتییەکانی گرانبوونی بێنزین لە مەریوان لەلایەن هێزە ئیتلاعاتییەکانەوە دەسبەسەر و پاش تەواوبوونی لێپرسینەوەکەی ئازاد کرا.

پێشتر هێزە ئیتلاعاتییەکان لە دانی هەر جۆرە زانیارییەک سەبارەت بەو هاووڵاتییە کوردە بە بنەماڵەکەی، خۆیان بواردبوو.