ئاژانسی هەواڵدەریی کوردپا
ئاژانسی کوردپا: بەرپرسی رێکخراوی مافی مرۆڤی کوردستان بەبۆنەی هاتنی نەورۆز و ساڵێ نوێی، پێرۆزبایی لە سەرجەم خەلکی کورستان کرد.
بەپێی راپۆرتی ماڵپەڕی رێکخراوی مافی مرۆڤی کوردستان، "محەممەد سدیق کبوودوەند" لە میانەی چاوپێککەوتنێک کە لەگەڵ بنەماڵەکەی لە زیندانی ئێڤین بوویەتی، هاتنی نەورۆز و سالی نوێی لە خەڵکی کوردستان و ئێران و سەرجەم ئەو کۆمەڵگەیانەی کە جەژنی نەورۆز بەڕێوە دەبەن، پیرۆزبایی کرد.
"کەبوودوەند" هیوای خواستووە کە ساڵی نوێدا خەڵکانی ئێران و گەلی کورد لە رەنج و مەینەتی و سەرکوت رزگار ببن و ساڵی نوێ سەرەتایەک بۆ گەیشتن بە داخوازی و مافە سیاسیەکانیان بێت.
بەرپرسی رێکخراوی مافی مرۆڤی کوردستان، لە ساڵی نوێدا ژیان لە ئاشتی و هێمنی، ئەمنیەتی گیانی و ئازادی و مافی مرۆڤی بۆ کۆمەلگەی کوردەواری، ئێران و کۆمەڵگەی مرۆیی بە ئاوات خواستووە.
