Roja Şemî 27’ê Xezelwerê, welatiyekî Kurd bi navê “Selam (Şahîn) Azerî” temen 40 salî û xelkê bajarê Nexede ji aliyê hêzên ewlehiyê ve hat binçavkirin û bo cihekî nediyar veguhastin.
Serê sibê roja Çarşemî 1ê Sermawezê, du girtiyên bi navên “Mihemed Endîşkoh” kurê Xudad xelkê Kirmaşanê û “Muslim Cemşîdî” kurê Elî Cefer xelkê bajarê Hersîn a parêzgeha Kirmaşanê li girtîgeha Qizilhisar a bajarê Kerecê hatin îdamkirin.
Êvariya roja Sêşemî 30’ê Xezelwerê, kolberek bi navê “Esed Hesenpûr” temen 25 salî, xelkê gundê “Ceferxan” a bajarê Seqizê, li sînorê Hengejale ya bajarê Banê, ji aliyê hêzên leşkerî yên hikûmetê ve bi giranî birîndar bû.
Mamoste Hisên Elîmoradî pêşnimêjê mizgefta “Îbrahîm Xelîlullah” a bajarê Sine û rêveberê mekteba “Îbrahîm Xelîlullah” a zanistên olî û hafiza Qur’anê ji bo Dadgeha Taybet a RûhaniyênRûhaniyet a bajarê Hemedanê hat gazîkirin.
Êvariya roja Duşemî 29ê Xezelwerê, du zarokên bi navên “Pêşewa Nebî” temen 16 salî û “Karzan Nebî” temen 15 salî ji aliyê hêzên ewlehiyê ve hatin binçavkirin û bo cihekî nediyar veguhastin.
Serê sibê roja Duşemî 29`ê Xezelwerê, girtiyê bi navê “Siyamend Stiwar” kurê Hebîb xelkê bajarê Bokanê li girtîgeha navendî ya bajarê Erdebîlê hate bidarvekirin.
Roja Duşemî 29’ê Xezelwerê, Adil Pîrozî girtiyê siyasî yê berê yê xelkê gundê “Serdoş”a Merîwanê, piştî gazîkirina bo Îdareya Îtilaata vî bajarî hat binçavkirin.
Êvariya roja Yekşemî 28’ê Xezelwerê, kolberê bi navê Qesîm Kerîmî yê xelkê gundê “Firûziyan” a ser bi navçeya Soma ya Biradost a bajarê Urmiyê, bi sedema ketina ji bilindahiyên sînorê vî bajarî, canê xwe ji dest da.
Roja Yekşemî 28’ê Xezelwerê, kolberekî bi navê “Sebahan Mehmûdî” xelkê bajarê Rewanserê bi sebeba hêzên leşkerî yên dewletê li sînorê Newsûdê birîndar bû.
Roja Şemî 27’ê Xezelwerê dubare mamosta Hesen Fethî Xizirlekî pêşnimêjê înê yê gundê “Qazliyan” a Bokanê ji aliyê hêzên ewlehiyê ve hat binçavkirin.
Ajansa Nûçegihandinê ya Kurdpa
