Roja Duşemî 21ê Reşemeyê, 3 welatiyên gundê Qirûçayê ya ser bi Dêhgolanê, yên bi navên Pêdram Hisên Penahî, Zubêyr Hisên Penahî û Ebas Hisên Penahî, bi danîna barimteyê, heta dawiya dozê ji girtîgehê hatin berdan.
Sibeha roja Duşemî 21’ê Reşemetê, girtiyê bi navê “Moîn Selahwerzî” kurê Mihemed xelkê gundê “Heft Çeşme” a ser bi bajarê Avdananê li girtîgeha navendî ya Îlamê hate îdamkirin.
Roja Yekşemî 20’ê Reşemeya 1402’an a Rojî, jinek temen 27 salî bi navê “Zîba Seyad” xelkê gundê “Hisar Kanî Spî” a ser bi Urmiyê, ji aliyê hevjînê xwe yê berê ve, bi çekê hat kuştin.
Roja Şemî 19’ê Reşemeyê, ciwanekî Kurd bi navê “Metîn Raziyan” kurê Seîd xelkê gundê “Mile”a ser bi bajarê Seqizê bi awayekî demkî heta dawîhatina dozê ji girtîgehê hat azadkirin.
Roja Yekşemî 20’ê Reşemeyê welatiyekî Kurd bi navê “Feryad Qadrî” xelkê gundê “Kilîc” a ser bi bajarê Serwavayê piştî ku bo dozgeriya Gştî û Şoreşa Sine hatibû gazîkirin, hate binçavkirin.
Roja Yekşemî 20’ê Reşemeyê, Dilir Zahidîpûr, çalakvanê jîngehparêzî û civakî yê Merîwanê, bi danîna barimteyê heta dawiya dozê, bi awayekî demkî ji girtîgehê hat azadkirin.
Roja Sêşemî 15ê Reşemeyê, Ferzad Mehmûdpûr welatiyê bajarê Şinoyê û yek ji girtiyên serhildana şoreşgerî ya Jin, Jiyan Azadî, ji bo derbaskirina cezayê xwe bo girtîgeha Nexede hat veguhastin.
Sibeha roja Pêncşemî 17`ê Reşemeyê, girtiyê bi navê “Fexredîn Mengurnijad” kurê Bayezîd xelkê bajarê Şinoyê li girtîgeha Mehabadê hate îdamkirin.
Sibeha roja Pêncşemî, 17ê Reşemeyê, girtiyê bi navê “Ebas Dadûr” kurê Ehmed xelkê Mehabadê, li girtîgeha vî bajarî de hate îdamkirin. Her di vê derheqê de hejmara kesên di vê rojê de hatin îdamkirin derket 2yan.
Sibeha roja Pêncşemî 17`ê Reşemeyê , kolberek bi navê “Mihemed Mîranî” xelkê gundê “Banewere” ya ser bi bajarê Pawe, li sînorê Newsûdê bi sedema teqîna mînekê bi giranî birîndar bû.
Ajansa Nûçegihandinê ya Kurdpa
