Êvara roja Pêncşemî 24ê Reşemeya sala 1402an a Rojî, Meryem Rezmco xwandekara zanîngeha Razî tevî dayîk û birayê xwe ji aliyê hevjînê xwe yê berê ve bi çekê hatin kuştin.
Êvariya roja Pêncşemî 24’ê Reşemê, Eta Hisêynî, kolberê xelkê gundê “Bilbzan” a ser bi bajarê Pawe, li nexweşxaneya Taliqanî ya Kirmaşanê bi sedema kûrahiya birînan canê xwe ji dest da.
Roja Pêncşemî 24’ê Reşemê, Kamran Qasimî girtiyê siyasî yê Kurd ku di girtîgeha Urmiyê de cezayê xwe derbaz dike, bi sozeke erênî ya desthilatdaran ji bo cîbicîkirina daxwazên wî dawî li gireva birçîbûnê anî.
Roja Pêncşemî berwar 24’ê Reşemê, welatiyekî Kurd bi navê Fûad Şabanî, temen 34 salî, xelkê gundê “Tengîser” a ser bi bajarê Sine, bo Îdareya Îtilaata vî bajarî hat gazîkirin û lêpirsîna wî hat kirin.
Welatiyê Kurd ê xelkê Kamiyaranê Ramîn Gorganî tevî ku ev 8 roj in bi ser binçavkirina wî re derbas dibin, hîn jî di girtîgehê de ye.
Sibeha roja Çarşemî 23`ê Reşemê, kolberê Kurd ê bi navê “Mihemed Tofîqî” temen 20 salî û xelkê gundê “Çoman” a ser bi bajarê Bane, ji aliyê hêzên leşkerî yên dewletê ve hat birîndarkirin.
Sibeha roja Sêşemî 22’ê Reşemê, kolberek bi navê “Mihemed Gence” kurê Rehman xelkê Pîranşarê, li sînorê vî bajarî bi sebeba teqeya rasterast a hêzên leşkerî yên dewletê ve hat kuştin.
Roja Sêşemî 22’ê Reşemê, welatiyê Kurd ê bi navê “Semed Şaboyî” temen 38 salî û xelkê gundê “Şahwane” a ser bi bajarê Şinoyê, bi danîna barimteya 3ê milyar Tûmenî heya dawiya dozê, bi awayekî demkî ji girtîgeha Urmiyê hat azadkirin. .
Roja Sêşemî 22’ê Reşemeyê, girtiyê siyasî yê Kurd ê xelkê bajarê Mehabadê, Erselan Xodkam, bo yekem car di heyama hepsa xwe de, ji Girtîgeha Navendî ya Urmiyê bo mirexesiyê hat şandin.
Sibeha roja Duşemî 21ê Reşemeyê, girtiyê bajarê Serable yêbi navê “Mensûr Mensûrî” li girtîgeha navendî ya Îlamê hate îdamkirin.
Ajansa Nûçegihandinê ya Kurdpa
