Roja Înê 4`ê Pûşper, nûgihanek ê bi navê “Saman Yûsifînijad”, temen 15 salî û herwisa ciwanek ê bi navê “Samran Yûsifînijad”, temen 21 salî, xelkê gundê “Qeretepe”, bi sedema neşarezayî li melevanîkirinê, li çemê “Heyran”ê li bajarê…
Welatiyekî Kurd ê bi navê “Luqman Nîkzad”, temen 25 salî, kurê Mihemed û xelkê gundê “Serdoş” ê ser bi bajarê Merîwanê, bo lêpirsînê bo yek ji girtîgehên ewlehî li bajarê Sineyê hate veguhastin.
Roja Çarşemî 2`ê Pûşper, welatiyekî Kurd ê bi navê “Muhsên Ezîzî” xelkê bajarê Şinoyê ji aliyê hêzên ewlehî ve hate binçavkirin û bo cihekî nexuya hate veguhastin.
Sibedeha roja Çarşemî 2`ê Pûşper, kolberekî Kurd ê bi navê “Fehîm Rostemzade”, xelkê bajarê Hewramanê, li encama teqeya hêzên leşkerî yên hikûmetê li bilindahiya “Tete”yê ser bi Hewramanê canê xwe ji dest da.
Ji qedera welatiyekî Kurd ê bi navê “Soran Şerîfî”, xelkê bajarê Bokanê, piştî binçavkirina wî ti zanyariyeke serast ji ber dest de nîne.
Roja Pêncşemî 27`ê Cozerdan, “Sureya Heqdûst”, çalakvana medenî û endama Encûmena “Malî Însan” li bajarê Merîwanê hate binçavkirin û bo bajarê Sineyê hate veguhastin.
Helbestvan û çalakvanê medenî yê xelkê bajarê Merîwanê “Aram Fethî” ku li roja Pêncşemî 27`ê Cozerdanê, ji aliyê hêzên ewlehî ve hatibû binçavkirin, bo benda qerentîne ya girtîgeha wî bajarî hatiye veguhastin.
Sibedeha roja Yekşemî 30`ê Cozerdanê, kolberekî Kurd ê bi navê “Se`idûn Ehmedî”, xelkê bajarê Baneyê, li encama teqeya hêzên leşkerî yên hikûmetê li ser sînorê “Henge Jal”ê ser bi wî bajarî canê xwe ji dest da.
Roja Înê 28`ê Cozerdan, “Besîr Ehmedzade”, kolberê xelkê gundê “Dişe”, yê ser bi bajarê Pawê, li ancama teqeya hêzên leşkerî yên hikûmetê û bi sedema kûrahiya birînên wî, di nexweşxaneya Taliqanî ya bajarê Kirmaşanê de canê xwe ji dest da.
Roja Şemî 29`ê Cozerdan, welatiyekî Kurd ê bi navê “Rehman Kerîmî”, xelkê bajarê Nexedê, ji aliyê hêzên ewlehî ve hate binçavkirin.
Ajansa Nûçegihandinê ya Kurdpa
